Morgunn - 01.06.1935, Side 123

MORGUNN
117
haldnir i lækningaskyni eða í öðrum tilgangi. Sé ekkert
við gert, getur það komið fyrir, að þessir menn fari að
verða fyrir áhrifum, og kann að bregðast til beggja vona
um það, hvort þau áhrif eru hentug eða ekki. Eins geta
þessir menn orðið fyrir kraftmissi, sem þeir mega ekki við,
ef ekki er við gert. Og svo að eg snúi mér sérstaklega
að lækningatilraununum, þá skal það fram tekið, að ekki er
nóg að miðlar hafi lækningakraft, heldur verða stjórnend-
ur þeirra líka að hafa mátt og kunnáttu til þess að ganga
svo frá sjúklingunum, að kraftur sjúklinganna komist ekki
í neitt ólag. En til þess þarf þjálfaða miðla. Meðal annars
þess vegna er það svo áríðandi, að miðlar leiti sér þjálf-
unar, áður en þeir fara að sinna hinu mikilsverða miðils-
starfi út á við að nokkurum mun. Til þess að örugt sé að
rétt sé gengið frá kraftinum hjá fundarmönnum, þarf þjálf-
aðan miðil, og það er áríðandi, að menn hafi þetta hug-
fast. Það er með öllu rangt að hJaupa út í miðilsstarf undir-
búningslaust — ekki eingöngu af þeim ástæðum, sem hér
hefir verið minst á, heldur líka af ýmsum öðrum ástæð-
um. Þetta hefi eg reynt að brýna fyrir mönnum, sem eg
hefi náð til. En þær ráðleggingar hafa ekki æfinlega verið
teknar til greina.
En reynsla mín í þessum efnum — og hún
endanna er or®,n rumIega 30 ara gomul — bendir
á það, að í þessu efni sé ekki eingöngu
undir miðlinum komið, heldur líka leikni hinna ósýnilegu
stjórnenda. Eg skal geta eins dæmis frá tilraununum með
Indriða Indriðason. Aðalstjórnandi hans afsagði jafnan að
halda fund á sunnudögum. Einu sinni stóð svo á, að sum-
um tilraunafélagsmönnum var kappsmál að fá haldinn fund
á sunnudegi. Stjórnandinn lét það eftir. »En eg verð ekki
á þeim fundi«, sagði hann. Hann kvaðst geta sett einn af
sínum, okkur ósýnilegu, samverkamönnum til þess að stjórna
fundinum. Fundurinn var haldinn og alt virtist ganga vel
og eins og venja var til. En daginn eftir brá svo við, að
allir fundarmennirnir, sem til spurðist, voru lasnir. Við