Morgunn - 01.06.1941, Síða 13

IV.
Á rannsók'nastarf Sir 0. L. er að eins lauslega hægt
að drepa í einu erindi, enda hefir þess oft verið getið á
félagsfundum vorum.
Með próf. Richet rannsakaði hann fyrirbrigðin hjá
líkamlingamiðlinum fræga, Evsapíu Paladino og sann-
færðist um raunveruleik fyrirbrigðanna, án þess að
komast að nokkurri niðurstöðu um, hvort nokkur ójarð-
nesk öfl væru þar að verki. Hjá Ameríkumiðlinum frú
Piper kynntist hann sannfærandi hugrænum fyrirbrigð-
um, en svo var hin vísindalega varúð hans rík, að enn
hélt hann áfram að rannsaka árum og árum saman, og
það var ekki fyrr en árið 1908, eftir tuttugu og fimm ára
rannsóknir, að hann birti opinberlega þá sannfæring sína,
að hann hefði átt raunverulegar samræður við látna vini
sína og að tjaldið milli heimanna væri að þynnast.
Enn hélt hann áfram að rannsaka af mikilli samvizku-
semi og mikilli skarpskyggni og fimm árum síðar flutti
hann þá yfirlýsingu sína úr sjálfum forsetastóli Brezka
Vísindafélagsins, að rannsóknir sínar hefði sannað sér, að
persónuleiki mannsins, með endurminningum hans og
hneigðum, lifði líkamsdauðann.
Sú yfirlýsing hins heimsfræga manns úr virðulegasta
vísindastóli veraldarinnar vakti geisilega athygli, hneyksl-
aði marga og gladdi aðra. Menn urðu samt að kannast
við, að það væri í meira lagi ólíklegt að annars eins mað-
ur og hér var um að ræða, léti aðra eins yfirlýsing frá
sér fara út í bláinn, og það eftir ekki minna en 30 ára
rannsóknir.
Úr rektorsstóli háskólans í Birmingham gaf liann enn
svipaða yfirlýsingu, þar sem hann staðhæfði, að fram-
haldslíf mannsins væri búið að sanna svo ítarlega, að
full ástæða væri til að flytja þann boðskap í nafni vís-
indanna.
Ef Sir Oliver Lodge hafði ekki vald til að dæma í þeim
málum, er vanséð hverjum öðrum beri það dómsvald.