Morgunn - 01.06.1941, Blaðsíða 100
92
MORGUNN
Hvert fara
þeir?
Þótt ekki sé manntjónið enn svipað því,
sem það var í heimsstyrjöldinni síðustu,
fylla þó tár og kveinstafir heimili fjölda
manna í öllum heimsálfum, og hernaðarguðinum eru ekki
að eins færðar mannafórnir á vígvöllunum, heldur einnig
í húsum friðsamra borgara, sem ægilegar og grimmdar-
fullar loptárásir leggja í rústir. Og eftir því sem hryðju-
verkunum fjölgar, fjölgar einnig þeim, sem standa harm-
þrungnir yfir líkum ástvina sinna og spyrja með nístandi
óvissu: Hvert fara þeir? Lifa þeir, eða eru þeir í raun og
sannleika dánir, horfnir, týndir? I þingsölum og stjórnar-
höllum er spurt um styrjaldarúrslitin, hver muni sigra
og hver muni bíða ósigur, en í heimilum hryggra manna og
þeirra, sem eiga hættuna vofandi yfir höfði sér, er víða
spurt öðruvísi, þar er spurt um, hvort sterkara sé, líf eða
hel, hvort dauðinn sé hinn endanlegi sigurvegari eða lífið.
Hugsandi menn finna, að þetta er hið mikla megimál, og
að stundarsigur einnar þjóðar, þótt miklu máli skipti fyrir
hana, er ekki annað en hégómamál hjá hinu, sem óendan-
lega miklu meira máli skiptir: Þurrka morðtól hernaðar-
þjóðanna líf þeirra einstaklinga út úr tilverunni, sem þau
hitta?
Páskar kristinna manna eru fyrir
skemmstu liðnir. Þá var upp lokið dyrum
þúsunda kirkna um öll kristin lönd, fagur söngur hljóm-
aði í viðhafnarmiklum messugerðum og milljónir manna
gengu til guðshúsanna. Ég geri ráð fyrir, að fleiri hafi nú
leitað þangað en oft áður, því að nú voru stríðspáskar
hringdir yfir þjóðirnar og mikill fjöidi manna í sorg og
sárum. Munu allir hafa fengið þá huggun, sem þeir þráðu
í kirkjum kristninnar? Munu allir hafa fengið þar þau
svör við ráðgátunni um líf og dauða, sem nægöu þeirn ?
Hér skal engum getum að því leitt, hversu margir þeirra,
sem sóttu páskamessur kristninnar nú í ár, hafa fengið
þar þau svör, sem nægðu þeim, við spurningunni um líf
og dauða, sem á styrjaldartímum leitar fastara á marga
Stríðspáskar.