Morgunn - 01.06.1941, Síða 42

34
MORGUNN
aö vita hver hinn ósýnilegi listamaður væri, en hann neit-
aði að seöja forvitni þeirra, en lofaði að gefa þeim síðar
sönnun fyrir því hver hann væri. Þeim var síðar sagt, að
hann hefði verið frægur listamaður, sem hefði verið uppi á
17. öldinni, fæddur 1635 og dáinn 1681, og að hann hefði
verið samtíðarmaður Steens, hins fræga, hollenzka mál-
ara. Þeim var ennfremur sagt, að hann hefði ekki verið
vanur að mála mannamyndir, hefði heldur viljað mála
náttúruna, og að við næstu tilraun mundi hann reyna að
mála uppkast af einu af málverkunum, sem hann hefði
málað á jörðunni — frægustu mynd sinni.
Þetta loforð var efnt, því að á næsta fundi, 18. apríl,
var gerð frumteikning að mynd og þ. 21. s. m. var lokið
við myndina með vatnslitum, á aðeins fjórum klukkustund-
um. 1 vinstra horni myndarinnar voru dregnir stafirnir
J. R. Myndin er álitin mjög vel gerð.
Fram að þessu höfðu menn enga hugmynd um hver
ósýnilegi máiarinn væri, en þá kom hr. Logan með vin
sinn, sem er listmálari, og sýndi honum myndina, Vin-
urinn kvaðst þekkja þessa mynd, en mundi ekki hver
hefði málað hana.
Einum eða tveim dögum síðar sagði vinurinn hr. Logan,
að nú hefði hann komizt að uppruna myndarinnar óg
sýndi honum bindi af „Art Treasures’ Exhibition“, í út-
gáfu Cassels, þar sem er á bls. 301 mynd af málverki
hins fræga málara Jakobs Ruysdaels, sem ber heitið „Foss-
arnir“, og er álitið bezta verk hins fræga málara. Myndin
sem Duguid hafði málað í transinum, var all nákvæm eftir-
mynd þessa málverks.
Fólkinu, sem viðstatt hafði verið tilraunirnar, var nú
sagt frá þessu, en það ákvað að segja Duguid þetta ekki,.
þar sem talið var alveg öruggt, að hann hefði enga vitn-
eskju um það.
Næsti fundur var haldinn 28. apríl. Duguid féll í djúp-
an trans.... og innan skamms talaði ósýnilegi málarinn
af vörum hans. Hann kvaðst vita, hverja uppgötvun fund-