Frjáls verslun - 01.05.2015, Síða 46

46 FRJÁLS VERSLUN 5 tbl. 2015
mannaversluninni í Leifsstöð er
Gling-gló þar sem Björk syngur
djass. Hún hefur fengist við allt
þarna á milli. Tónlistarferillinn
nálgast fjörutíu ár og þó er Björk
ekki fimmtug.
oftast allra Á vinsælda­
listum
Og það er hægt að telja upp
ýmis afrek önnur. Þrjátíu af
lög um hennar hafa komist inn á
topp­40­lista víða um heim. Bara
í Bretlandi hafa tuttugu og tvö af
lögunum farið inn á vinsælda­
lista og þar af þrjú í efsta sæti. Í
Bandaríkjunum hafa lög hennar
náð efstu sætum á ýmsum list ­
um. Fullyrt er að plötur hennar
hafi selst í nær fjörutíu milljónum
eintaka. Við tónlistarferilinn
bætist svo leiklist og ein umtöluð
Óskars verðlaun fyrir hlutverk í
kvikmyndinni Dancer in the Dark
þar sem Björk tók við heiðrinum
íklædd svansbúningi. Hvert
mannsbarn þekkir Björk í því
gervi.
Kvikmyndin jók enn á frægð
Bjarkar og ekki síður umtal um
hana sem „dívu“ og afar sér ­
lund aða. Björk hefur á sér orð
fyrir að vera kröfuhörð og jafnvel
erfið í samskiptum.
Hluti af frægðinni stafar af því
að henni tekst alltaf að koma
fólki á óvart. Það er alltaf að
birtast ný og ný Björk og nú síð ­
ast í vor með plötunni Vulnicura.
Allt í einu var hin pólitíska og
róttæka Björk farin að syngja
ástarsöngva. Í viðtali við breska
blaðið The Guardian sagði hún
að sér hefði ekki þótt við hæfi að
semja diskólög á þessu skeiði í
lífi sínu!
einn Áhrifamesti lista­
maður heims
Breskir fjölmiðlar hafa alltaf verið
mjög uppteknir af Björk. Hún
tengdist mjög bresku pönki og
nýbylgju á níunda áratug síðustu
aldar og vinsældir hennar hafa
alltaf verið mestar í Bretlandi og í
Bandaríkjunum.
Tímaritið Time hefur oft haft
hana á lista yfir áhrifamestu lista­
menn heims. Svo er einnig í vor:
Björk er eitt af táknum menn­
ingar okkar tíma og fyrirmynd,
segir þar.
Rökstuðningurinn í Time fól
einnig í sér skýringu á vinsæld ­
um Bjarkar og ekki síst lang­
varandi vinsældum. Ýmsir popp­
arar hafa náð hæstu hæðum
og eru svo gleymdir innan fárra
missera.
„Björk hefur alltaf verið hún
sjálf og alltaf haft hugrekki til að
fylgja eigin hugboði. Hún hefur
aldrei gert neitt bara til að kom­
ast inn á vinsældalista,“ sagði í
tímaritinu.
Björk skýrði þetta í viðtalinu
við The Guardian í vor á þann
hátt að á mótunarárum sínum í
Reykja vík á níunda áratug liðinn­
ar aldar hefði hún umgengist
fólk sem aldrei gerði sér vonir
um að auðgast á tónlistinni.
Menn skiptu bara með sér því
sem kom inn og héldu sínu striki.
róttæKlingurinn björK
Þetta tengist líka róttæku og
jafnvel sósíalísku eðli pönksins.
Breskar pönksveitir voru mjög
róttækar og and­kapítalískar.
Íslenska pönkið var það líka. Þetta
var uppreisn ungs fólks löngu eftir
að hippatíminn var liðinn.
Þetta tengist svo róttækni
Bjarkar enn þann dag í dag.
Hún hefur gagnrýnt fjármála­
menn og hún hefur látið náttúru­
vernd til sín taka. „Framtíðin er í
náttúrunni,“ er orðtak hennar.
Í bankahruninu 2008 vakti hún
athygli um allan heim fyrir gagn­
rýni sína á banka og fjarmála­
stofnanir. Hún tók afstöðu gegn
fjármálaveldi heimsins.
„Hún hefur fengist við allt
þarna á milli. Tónlistar­
ferillinn nálgast fjörutíu
ár og þó er Björk ekki
fimmtug.“
nýjasta gervi Bjarkar á plötunni Vulnicura.
Sumum þykir Esther lík hinni eitursvölu Lisbet
Salander úr Millenium þríleiknum sem má finna
í úrvali spennumynda í Vodafone PLAY. Rétt er
að taka fram að líkindin snúa helst að útliti.
Esther Ír er vöruhönnuður og
vinnur mikið með íslenska ull.
is
le
ns
ka
/s
ia
.is
V
O
D
7
49
96
0
6/
15

Úrval af uppáhaldsmyndum
í Vodafone PLAY
Fyrir 2.490 kr. mánaðargjald færð þú aðgang að fjölbreyttri
og sívaxandi áskriftarveitu í anda Netflix. Skráðu þig núna
og fáðu fyrsta mánuðinn af PLAY án viðbótarendurgjalds.
Þú getur skráð þig í PLAY á Vodafone.is,
í næstu verslun eða í 1414.
Vodafone
Við tengjum þig