Frjáls verslun - 01.05.2015, Qupperneq 130

130 FRJÁLS VERSLUN 5 tbl. 2015
Ávallt eitthvað nýtt að gerast
Deloitte
Deloitte leggur mikla áherslu á að stuðla að upplýstri umræðu um margvísleg málefni og heldur reglulega
fundi og ráðstefnur. Nýverið voru tveir nýir viðburðir kynntir til sögunnar.
D
eloitte er al þjóð­
legt fyrirtæki og
starfa þar 210.000
sérfræðingar í
150 lönd um. Deloitte á Íslandi
varð meðlimur að því árið
1994 og hefur því verið undir
merkj um þess í rúm tuttugu ár.
Deloitte leggur mikla áherslu á
að stuðla að upplýstri umræðu
í þjóðfélaginu um margvísleg
málefni. Einn vettvangur til
þess eru reglulegir fundir og
ráðstefnur sem félagið heldur
og margir hverjir hafa fest sig
í sessi í viðskiptalífi Íslendinga.
Má þar t.d. nefna Skattadaginn,
sem ávallt er haldinn í byrjun
árs þar sem Deloitte kynnir
fyrir viðskiptalífinu hvað helst
er á döfinni í kringum skatta ­
mál, og fundi fyrir endur skoð ­
unarnefndir þar sem farið er yfir
helstu viðfangsefni og áskoranir
sem meðlimir endur skoð unar ­
nefnda standa frammi fyrir.
Síðastliðið haust hélt Deloitte
í samstarfi við SA og SFS í
fyrsta sinn Sjávarútvegsdaginn,
sem er mjög stór og glæsilegur
við burður, enda státar Deloitte
af einum besta gagnagrunni
sem til er um rekstur íslenskra
sjávarútvegsfélaga á Íslandi.
Deloitte framkvæmir einnig
könnun tvisvar á ári meðal
fjármálastjóra þar sem mælt er
viðhorf þeirra til eigin fyrirtækis
og þróun næru m hverfis þeirra
og veitir því góða innsýn í hug ­
ar heim fjármálastjóra á Íslandi.
Fjölmargir aðrir við burðir eiga
sér stað yfir árið hjá Deloitte
og nú nýverið voru tveir nýir
kynntir til sög unn ar sem tengj ­
ast inn á það sem De loitte er að
gera á alþjóða vísu.
Fast50-fyrirtækin
Harpa Þorláksdóttir, for ­
stöðumaður viðskipta­ og
markaðstengsla:
„Á dögunum kynntum við nýtt
verkefni sem ber heitið Fast50.
Um er að ræða í stuttu máli
lista yfir ört vaxandi tækni fyrir ­
tæki sem Deloitte gefur út einu
sinni á ári. Sambærilegur listi
er gefinn út af mörgum öðrum
Deloitte­fyrirtækjum víðs vegar
um heiminn. Þau fyrirtæki
sem ná inn á okkar lista munu
svo eiga tækifæri á að komast
inn á evrópska Fast500­ og al ­
þjóðlegan Global100­lista yfir
ört vaxandi tæknifyrirtæki.
En þeir listar vekja iðulega
mikla athygli alþjóðlegra fjár ­
festingasjóða og annarra fjár ­
festa,“ segir Harpa. Það er eftir
miklu að slægjast að komast
inn á þennan lista því Fast50­
listinn vekur áhuga fjárfesta
og aðstoðar fyrirtækin sem á
hon um eru við að fá athygli
hérlendis sem erlendis og auka
þannig sýnileika íslenskra
fyrir tækja á erlendri grundu.
Þetta getur styrkt vörumerki
fyrirtækjanna verulega og
skapað verðmæt tengsl.
„Ef fyrirtæki er komið með
stimp ilinn Fast50­fyrirtæki
er reynslan erlendis sú að
það getur auðveldað alla fjár ­
mögn un og opnað margar dyr.
Þátt takendur hafa þá líka tök
á að vekja athygli á sér utan
landsteinanna og bera árangur
sinn saman við árangur annarra
og geta mögulega komist í
áhuga vert samstarf.“
Í október ár hvert verður
list inn síðan gefinn út og sigur ­
vegari valinn á sérstökum
við burði hjá Deloitte að við ­
stöddum fjölda aðila sem getur
aðstoðað tæknifyrirtækin með
einum eða öðrum hætti.
„Þátttaka er fyrirtækjum að
kostnaðarlausu, það eina sem
fyrirtæki sem vilja komast inn
á þennan lista þurfa að gera er
að sækja um á www.fast50.is
og þurfa fyrirtækin að uppfylla
nokkur skilyrði líkt og að vera
fjögurra ára eða eldri, skráð og
stjórnað á Íslandi og eiga og þróa
sínar eigin tæknilausnir. Allar
nánari upplýsingar má finna á
heimasíðunni www.fast50.is.
vonarstjörnur tækni -
fyrirtækja
Samhliða Fast50 erum við líka
að fara í gang með Vonar ­
stjörn ur tæknifyrirtækja, svo ­
kallaðar Rising Stars, sem
önn ur Deloitte­fyrirtæki hafa
líka verið að keyra. Veitt verða
verðlaun í karla­ og kvenna­
flokki. Það gerum við í sam­
starfi við FKA og Samtök
iðnaðarins. Með þessum hætti
sköpum við þeim fyrirtækjum
sem ekki hafa náð fjögurra
ára aldursskilyrðinu og eru
með lægri veltu tækifæri til
að vekja athygli á sér. Lykil ­
áherslan í þessum hluta er
vaxtar möguleiki fyrirtækja
þar sem við gefum fimm til tíu
þátttakendum kost á að koma
og kynna sitt fyrirtæki á þessum
viðburði í október. Í stuttu máli
má segja að með þessu framtaki
vilji De loitte leggja sitt af
mörkum við að auka hróður
íslenskra fyrirtækja og öflugra
stjórnenda þeirra hérlendis sem
erl endis og styðja við frum ­
kvöðla starf semi og nýsköpun,“
segir Harpa Þorláksdóttir.
ísland í 4. sæti af 133
Margrét Sanders,
framkvæmdastjóri hjá Deloitte
og formaður SVÞ:
Nýverið hélt Deloitte ráðstefnu
með Gekon og Arion banka
þar sem kynntar voru niður ­
stöður mælinga á nýrri vísitölu
sem ber heitið Social Progress
Index (SPI). Þessi vísitala mælir
samkeppnishæfni þjóða út frá
Harpa Þorláksdóttir.
Margrét Sanders.
„Fast50 er listi yfir ört
vaxandi tæknifyrirtæki,
gefinn út einu sinni á ári
og er þátttaka fyrirtækjum
að kostnaðarlausu.“
Texti: Hrund Hauksdóttir / Myndir: Geir Ólafsson