Frjáls verslun - 01.05.2015, Qupperneq 139

FRJÁLS VERSLUN 5 tbl. 2015 139
auknu jafnrétti og tækifærum
kvenna á atvinnumarkaði eru
hátt menntunarstig kvenna,
fjölbreyttara starfsval beggja
kynja og aukin þátttaka og
ábyrgðkarlmanna á heimili og
börnum. Það sem hefur helst
haft slæm eða hamlandi áhrif
eru lífseigar staðalímyndir og
fordómar í samfélaginu sem
ala á ranghugmyndum og for ­
dómum. Það sem gerir þess ­
ar staðalímyndir lífseigar og
erfiðar viðureignar er hversu
ómeðvituð við erum um þær.
Þær eru orðnar svo stór
hluti af samfélaginu og sam ­
skiptamynstri okkar að við
tök um jafnvel ekki eftir þeim.
Það sem ég hef mestar áhyggj­
ur af að hægi á eða tefji ferlið
til framtíðar er skortur á sam­
stöðu og umburðarlyndi. Við
föllum því miður alltof oft í þá
gryfju að einblína á það sem
aðgreinir fremur en sameinar.
Það á bæði við um muninn á
konum og körlum og muninn
á einstaklingum sem velja sér
ólíkar leiðir í gegnum lífið.
Okkur hættir til að líta á það
sem telst til kvenlegra og karl ­
lægra eiginleika sem andstæða
póla í stað þess að horfa á
það sem vídd sem býður upp
á óend anlegan fjölbreytileika
ein staklinga.
Um leið og við komumst upp
úr þessum hjólförum og lærum
að virða frelsi einstaklingsins
erum við á réttri leið. Ég tel að
í samtakamættinum felist mikil
tækifæri, við verðum að taka
höndum saman jafnt konur sem
karlar og taka á þessum málum
í sameiningu. Jafnréttismál eru
á engan hátt einkamál kvenna.
Eigum frábærar kven-
fyrir myndir
Telur þú að nauðsynlegt hafi
verið að setja lög um kynja­
kvóta um setu í stjórnum
fyrirtækja?
„Já, það var því miður nauð ­
synlegt. Auðvitað hefði ég
viljað sjá breytinguna verða
án lagasetningar – en á meðan
staðalímyndir kynjanna eru
jafnrótgrónar í menningu
okkar og raunin er verða slíkar
breyt ingar ekki af sjálfu sér
og við eigum ekki að sýna
um burðarlyndi gagnvart því.
Það hefði ekki skilað okkur
nokkrum árangri.“
Hvaða konur telur þú að hafi
haft mest áhrif í íslensku sam ­
félagi undanfarin tuttugu ár?
„Við eigum margar frábærar
fyrirmyndir í sterkum íslensk ­
um konum á opinberum vett ­
vangi hvort sem er í atvinnulífi,
stjórnmálum eða menningarlífi.
Þær sýna og sanna að við getum
náð þeim árangri sem við sækj­
umst eftir og eru gríðarlega
mikil vægar fyrirmyndir fyrir
ung ar konur.
Þegar við tölum um áhrifa ­
kon ur í íslensku samfélagi
kemur Vigdís Finnbogadóttir
alltaf fyrst upp í hugann enda
ruddi hún svo sannarlega braut­
ina fyrir konur jafnt á Íslandi
sem og víða annars staðar í
heiminum.
Þó að nokkuð langt sé um
liðið frá forsetatíð Vigdísar tel
ég að áhrifa hennar gæti enn
og geri vonandi um ókomna
tíð. Ég held að karlmenn
mættu einnig líta í meira mæli
til Vigdísar sem fyrirmyndar
því hún býr yfir hæfileikum
og mannkostum sem allir Ís ­
lendingar mættu gjarnan til ­
einka sér í ríkari mæli. Tign
hennar og styrkur liggur ekki
síst í samskiptahæfni hennar
og samræðulist sem einkennist
af einlægni, heiðarleika og ein ­
lægri virðingu fyrir viðmæland­
anum.“
þróunin á réttri leið
Telur þú að konur hafi jafnan
rétt og karlar til starfsþróunar
og starfsframa innan fyrir­
tækja?
„Ég myndi segja bæði já og nei.
Að forminu til og samkvæmt
formlegum leiðum hefur þró ­
unin án efa verið á réttri leið
á undanförum árum. En við
þurfum hins vegar að vera
meðvituð um þær óskráðu reglur
og hefðir sem stýra oft ferðinni
og þar standa konur ekki alltaf
jafnsterkt að vígi, því miður.
Það er því mjög mikilvægt að
stjórnendur séu meðvitaðir um
þetta og reyni að tryggja að slíkir
þættir hafi ekki áhrif.“
lykilþættir stjórnunar
Hvaða þrír lykilþættir í stjórn ­
un finnst þér mikil vægastir?
„Númer eitt er virðing. Ef þú
kemur ekki fram við fólk af
virðingu muntu aldrei ná að
virkja það með þér og kalla
fram það besta í hverjum
einstaklingi.
Númer tvö er samkvæmni,
stjórn andi er alltaf fyrirmynd
og ef stjórnandi hagar sér ekki
í sam ræmi við þau gildi og
áherslur sem hún eða hann boð­
ar er útilokað að starfs menn
meðtaki þau og tileinki sér.
Númer þrjú er endurgjöf, við
höfum öll þörf fyrir að fá klapp
á bakið þegar við höfum staðið
okkur vel en við höfum líka
þörf fyrir leiðsögn þegar á þarf
að halda.
Með virðingu að vopni, sam ­
kvæmni og uppbyggilegri
endur gjöf nær stjórnandinn að
styðja og virkja starfsmenn til
góðra verka.“
Dóra Axelsdóttir, forstöðumaður einkabankaþjónustu, Anna Sif Jónsdóttir, innri endurskoðandi
og Sara Magnúsdóttir, forstöðumaður bankaþjónustu.
MP banki fagnaði 19.
júní með því að gefa
starfs mönnum frí eftir
hádegi í tilefni dagsins og
hvetja þá til að taka þátt í
hátíðahöld um. Við höfum
einnig lagt áherslu á að
styðja við ýmis góð mál efni
sem tengjast auknu jafn­
rétti kynjanna.