Frjáls verslun - 01.05.2015, Qupperneq 146

146 FRJÁLS VERSLUN 5 tbl. 2015
Texti: Hrund Hauksdóttir / Mynd: Geir Ólafsson
Ég vil sjá fleiri konur í æðstu
stjórnunarstöðum í atvinnulífinu
Nauthóll
nauthóll er notalegur veitingastaður í hjarta helsta útivistarsvæðis borgarinnar, Nauthólsvíkur.
G
uðríður María Jó­
hannesdóttir er
fram kvæmdastjóri
Nauthóls:
Hvaða atriði telur þú að hafi
haft mest að segja varð andi
stöðu kvenna innan at vinnu ­
lífs ins á síðustu árum?
„Sá mikli fjöldi vel menntaðra
kvenna sem útskrifast hafa úr
háskólum þessa lands hefur
haft mikið að segja. Þær eru
þegar farnar að láta til sín taka
á öllum sviðum þjóð félags ins
þó að ég vildi sjá fleiri í æðstu
embættum hjá hinu opin bera
og ekki síður í æðstu stjórn­
unar stöðum í atvinnu lífinu.“
lagasetningin flýtir fyrir

Telur þú að nauðsynlegt hafi
verið að setja lög um kynja ­
kvóta um setu í stjórnum
fyrirtækja?
„Lög um kynjakvóta hafa gert
mörgum afar hæfum konum
kleift að taka sæti í stjórnum
sem annars hefðu ekki komist
að. Efsta lag atvinnulífsins
var lengi vel afar karllægt og
þótti eðlilegt að stjórnir væru
að mestu eða öllu leyti skip ­
að ar karlmönnum. Þannig
var einfaldlega tíðarandinn.
Margt hefur breyst síðan þá og
miðað við gríðarlega aukningu
í atvinnu þátttöku kvenna ættu
þær fyrir löngu að vera orðn ar
stærri hluti af stjórnum fyrir­
tækja. Viðhorfin eru aftur á
móti rótgróin og erfitt að breyta
þeim. Það þarf því stundum lög
til að flýta fyrir því sem aðeins
getur talist eðlileg og náttúru leg
þróun en mín von er sú að áður
en langt um líður verði lögin
óþörf þar sem sam fé laginu og
atvinnulífinu finnist eins sjálfsagt
að kona sé jafn hæf og karlmaður
til að sitja í stjórn.“
sameiginleg ábyrgð okkar
Hvaða konur telur þú að hafi
haft mest áhrif í íslensku sam ­
félagi undanfarin tuttugu ár?
„Ég rétt næ að nefna Vigdísi
Finn bogadóttur þar sem hún
lét af embætti forseta fyrir
19 árum. Áhrif hennar verða
seint ofmetin. Annars hafa ótal
margar konur á einn eða annan
hátt unnið gott starf í þágu sam ­
félagsins á síðustu árum svo erfitt
er að nefna eina fram yfir aðra.“
Telur þú að konur hafi raun ­
veru lega jafnan rétt og karl ar
til starfs þróunar og starfs ­
frama innan fyrirtækja?
„Ég held að þjóðfélagið vilji
virkilega trúa því að við höfum
náð þeim árangri en því miður
er raunin önnur. Maður heyrir
enn sögur af konum sem fá
ekki störf af þeirri ástæðu einni
að þær eru konur, ekki vegna
þess að þær voru ekki nógu
hæfar. Það er ánægjulegt að
finna í umræðunni að það sé
orðin viðtekin skoðun að við
þurfum að gera meira í þessum
málum. Það er sameiginleg
ábyrgð okkar. Við höfum mjög
margar öflugar konur sem vinna
hjá okkur og við reynum að
veita þeim ábyrgð og tæki færi í
samræmi við reynslu. Það á að
vera dugnaður og elja sem ræður
framgangi í starfi, ekki kyn.“
Hvaða árangur ert þú
ánægðust með innan fyrirtækis
þíns á undanförnum árum?
„Það er mikil reynsla af veit ­
ingarekstri í fjölskyldunni
sem við búum að hér í þessu
fyrirtæki. Það þekkja það allir
sem komið hafa að slíkum
rekstri að það verður að halda
mjög vel á spöðunum og hlutir
eins og rýrnun hráefnis og
mönnun vakta verða alltaf að
vera í endurskoðun. Góður
undir liggjandi rekstur og gott
starfsfólk er það sem þú þarft til
að verða langlífur í þessum geira.
Maður þarf sífellt að vera að
Guðríður María Jóhannesdóttir, framkvæmdastjóri nauthóls.