Frjáls verslun - 01.05.2015, Síða 219

FRJÁLS VERSLUN 5 tbl. 2015 219
Hún er önnur í röðinni í hópi sjö
syst kina. Faðir hennar vann sem
bygg ingarverkamaður á meðan
móðir hennar sá um heimilið.
Hún fluttist fjögurra ára gömul
til Frakklands ásamt foreldrum
sínum og er að mestu alin upp í
úthverfi Amiens í Norður­Frakk­
landi. Ömmur hennar eru frá
Spáni og Alsír og hún elst upp í
dæmigerðri múslimafjölskyldu,
en segist samt ekki vera virkur
múslimi.
Eftir útskrift frá Institut d‘études
politiques de Paris í stjórnmála­
heimspeki árið 2002 hellti hún
sér í borgarstjórnmálin í Lyon og
beitti sér sérstaklega í málum er
varða fátækt og mannréttindi.
Hún var kjörin í borgarstjórn ári
síðar og sett yfir menningar mál;
hún komst svo á þing 2008 þegar
hún bauð sig fram í kjör dæmi
Rónarsýslu með afar öruggt fylgi.
Belkacem hefur séð um menn­
ingarpistla fyrir sjónvarp og
varð snemma vinsæll álitsgjafi í
fjölmiðlum. Hún kemur vel fyrir,
er skýr, skelegg og öfgalaus.
Geðþekk og vinsæl bæði meðal
pólitískra samherja sem og
and stæðinga og það kom því
fáum á óvart þegar hún var valin
í ríkisstjórn François Hollandes,
bæði sem talskona ríkisstjórnar ­
innar og sem ráðherra jafnréttis­
mála, einungis 35 ára gömul.
eKKi sæta góða stelpan
Belkacem er vinsæl meðal al­
mennings og þykir afar glæsileg
kona. Tísku­ og glamúrblöðin
keppast við að skrifa um hana
og birta myndir af henni. Margir
hafa misskilið hana illilega og
tekið henni sem sætu ungu
stelpunni í ríkisstjórninni. En hún
hefur oft sýnt að hér er á ferðinni
harðskeyttur stjórnmálamaður.
Hún er hvöss í orðaskiptum og
ekkert lamb að leika við. Stelpa
sem reif sig upp úr fátækt; inn­
flytjandi úr múslimafjölskyldu
lætur engan vaða yfir sig. Hún
þykir hafa ótvíræða leiðtoga hæfi ­
leika, er heiðarleg og föst fyrir og
vinsæl meðal samstarfsmanna.
Á bak við fallega brosið er
dugn aðarforkur og vinnu hestur; í
silkihanskanum leynist stálhnefi.
Hún hefur mjög sterkar og
ákveðnar skoðanir þegar kemur
að fordómum og mannhatri og
studdi mjög eindregið umdeild
lög um eftirlit með hatursum­
ræðu á netinu á þessu ári; var
fremst í flokki þegar lög sem
leyfðu samkynhneigðum að
giftast og ættleiða börn voru
sam þykkt á franska þinginu.
Sagði við það tilefni að þetta
væri merkur áfangi í mannrétt­
inda baráttu og sögu Frakklands.
Það er ekki síst í innflytjenda­
og menntamálum sem hún lætur
til sín taka.
„Það er þessu skólakerfi að
þakka að ég fékk tækifæri til að
mennta mig og komast áfram.
Hugsjónir franska lýðveldisins:
frelsi, jafnrétti og bræðralag eru
ekki bara einhver orð á blaði.
Þau eru í gildi. Ég er bein afleið ­
ing þeirra. Ég á allt að þakka
hinu jákvæða og kraftmikla
franska fjölmenningarsamfélagi
sem okkur hefur tekist að skapa.“
Franskt menntakerfi hefur lagt
mikla áherslu á að taka á móti
mismunandi fólki af ýmiskonar
þjóðerni. Og það er vísast til
rétt hjá Belkacem – ferill hennar
væri í raun óhugsandi án þeirrar
góðu almennu skólagöngu sem
hún naut í æsku.

fulltrÚi nýrrar
Kynslóðar
Menntamálaráðuneytið er eitt
stærsta, erfiðasta og mikilvæg­
asta ráðuneytið í frönskum
stjórn málum. Það eru ekki auð ­
veld mál sem Belkacem þarf að
glíma við: vaxandi fordómar og
ofbeldi, niðurskurður og kreppa.
Miklar hræringar hafa verið í
frönskum stjórnmálum og öfgar
virðast fara hratt vaxandi. Margir
sjá Belkacem sem fulltrúa nýrrar
kynslóðar; manneskju sem gæti
tekið á þessum vandamálum;
hinn rétta fulltrúa nýrrar franskrar
kynslóðar.
Ungt fólk virðist vera að yfir ­
gef a hin hefðbundnu stjórnmál,
mætir ekki á kjörstað og hlustar
ekki á langdregnar ræður mið ­
aldra karla í jakkafötum. Þetta er
raunar að gerast um alla Evrópu.
Stjórnmálamen virðast ekki
leng ur ná til fólks. Á sama tíma
þarf að glíma við mál sem snerta
allan almenning: kreppu, flótta ­
menn og ýmiss konar árekstra
heimamanna og innflytjenda.
Í þessum málum hefur Belka­
cem rödd. Það er hlustað á
hana. Hún hefur líka aðra fram­
komu en tíðkast: er frjálsleg og
eðlileg í viðtölum, persónuleg og
laus við tilgerð og uppskrúfað
málfar. Hún hefur stundum sagt
þegar rætt er um aðstæður inn­
flytjenda og fátækra:
„Ég veit þetta, ég skil þetta vel
– því ég hef sjálf verið þarna.“
Fordómar gegn múslimum,
aröbum og öðrum minnihluta ­
hópum hafa farið vaxandi – sér í
lagi eftir Charlie Hebdo­árásirnar
í byrjun þessa árs. Þeir eru ekki
margir, frönsku stjórnmálamenn­
irnir, sem þekkja þann veru leika
af eigin raun að vera innflytjandi í
nýju landi – en það gerir hún.
Ýmsir hægriöfgamenn hafa
reynt að nýta sér arabískan bak­
grunn hennar. Síðastliðinn vetur
prýddi hún forsíðu hægriöfga­
blaðsins Minute, undir fyrirsögn­
inni „Marokkóski múslima­
menntamálaráðherrann“, og þær
sögur fóru á kreik að hún hygðist
gera arabísku að skyldugrein í
frönskum grunnskólum – sem
var algjörlega úr lausi lofti gripið.
Önnur skyld blöð hafa kallað
hana L‘Ayatollah eða æðsta klerk
til þess að reyna draga úr miklum
vinsældum hennar og trausti.
„Þetta snertir mig lítið,“ segir
hún. „Ég bið bara fólk um að
reyna að ljúga ekki, vera heiðar­
legt og segja satt þegar stjórn­
mál eru annars vegar. Ég kalla
eftir virðingu. Og má ég svo
minna á það að fordómar eru
ekki skoðun – þeir eru glæpur.“
Þessa dagana glímir hún við
erfið verkefni við breytingar á
aðalnámskrá framhaldsskól­
anna. Það er ekki auðvelt að
breyta skólakerfinu en takist
henni vel upp gæti hún vel boðið
fram sem forseti á næstu árum
– kannski ekki í næstu forseta­
kosningum, 2017, en 2022 gæti
ef til vill orðið árið hennar.
Belkacem hefur séð um
menningarpistla fyrir sjón­
varp og varð snemma vin­
sæll álitsgjafi í fjölmiðlum.
Hún kemur vel fyrir, er
skýr, skelegg og öfgalaus.
Þeir eru ekki margir,
frönsku stjórnmálamenn­
irnir, sem þekkja þann
veruleika af eigin raun að
vera innflytjandi í nýju
landi – en það gerir hún.
Hún er alin upp í fátækrahverfi, braust til mennta, fann sig fljótt í
stjórnmálum og ferillinn hefur síðan verið ein samfelld sigurganga.