Tímarit Máls og menningar - 01.12.1970, Page 86

Bertolt Brecht
trræðið
Kennsluleikrit
PERSÓNUR:
Fjórir áróðursmenn til skiptis sem: ungi félaginn — formaðurinn í flokkshúsinu — tveir
kúlíar —- flokksstjórinn — tveir vefnaðarverkamenn — lögreglumaðurinn — kaup-
sýslumaðurinn.
Stjórnarkórinn
STJÓRNARKÓRINN: Gangið fram! Starf ykkar var happasælt, líka í þessu landi
sækir byltingin fram, og sveitir baráttumannanna hafa verið skipulagðar
þar líka. Við erum ykkur samþykkir.
áróðursmennirnir fjórir: Stanz, við verðum að segja ykkur nokkuð! Einn
félagi okkar var drepinn.
STJÓRNARKÓRINN: Hver drap hann?
ÁRÓÐURSMENNIRNIR FJÓRIR: Við drápum hann. Við skutum hann og fleygðum
í kalkgryfju.
stjórnarkórinn: Hvað gerði hann að þið skylduð skjóta hann?
ÁRÓÐURSMENNIRNIR FJÓRIR: Oft gerði hann það sem var rétt, stundum það
sem var rangt, en að síðustu stefndi hann hreyfingunni í voða. Hann vildi
hið rétta en gerði hið ranga. Við krefjumst úrskurðar ykkar.
STJÓRNARKÓRINN: Sýnið okkur hvernig þetta atvikaðist og hvers vegna, og
þið fáið að heyra okkar dóm.
ÁRÓðursmennirnir fjórir: Við munum hlíta dómi ykkar.
1
KENNINGAR KLASSÍSKU HÖFUNDANNA
áróðursmennirnir fjórir: Við komum sem áróðursmenn frá Moskvu, við
áttum að fara til Múkden-borgar, reka áróður og styrkja kínverska flokk-
inn í verksmiðjunum. Við áttum að gefa okkur fram í flokkshúsinu næst
landamærunum og gera tilkall til fylgdarmanns. Þar gekk á móti okkur í
fordyrinu ungur félagi, og við greindum honum frá því hvers eðlis hlutverk
okkar væri. Við endurtökum samtalið.
Þrír þeirra skipa sér saman gagnvart einum, sem leikur unga félagann.
276