Tímarit Máls og menningar - 01.12.1970, Side 98

Tímarit Máls og menningar
5
HVAÐ ER EIGINLEGA MAÐUR?
ÁRÓðursmennirnir fjórir: Við háðum daglega baráttu við hina fornu lags-
bræður, vonleysið og áþjánina; við kenndum verkamönnunum að breyta
baráttunni fyrir betri launum í baráttu um völdin. Kenndum þeim vopna-
burð og listina að bera fram mótmæli. Þá heyrðum við að kaupmennirnir
áttu í deilu um tolla við Englendinga, sem ríktu í borginni. Til að nota
deiluna milli valdhafanna í þágu hinna valdalausu sendum við félagann
unga með bréf til hins auðugasta kaupmannanna. í því stóð: Vopnaðu
kúlíana! Unga félaganum sögðum við: stilltu svo til að þú fáir vopnin. En
þegar maturinn kom á borðið þagði hann ekki. Við sýnum það.
Einn áróðursmaðurinn sem höndlari.
höndlarinn: Ég er höndlarinn. Ég býst við bréfi frá sambandi kúlía um
sameiginlegar aðgerðir á móti Englendingum.
UNGI FÉLAGINN: Hér er bréf frá sambandi kúlía.
höndlarinn: Ég býð þér að borða með mér.
UNGI félaignn: Það er mér heiður að fá að borða með yður.
höndlarinn: Á meðan verið er að matbúa vil ég greina þér frá skoðun
minni á kúlíum. Fáðu þér sæti hérna, ger svo vel.
ungi félaginn : Mér er mikil forvitni að heyra skoðun yðar.
höndlarinn: Hversvegna fæ ég allt billegar en aðrir? Og vegna hvers vinn-
ur kúlíi nær því kauplaust fyrir mig?
UNGI félaginn : Það veit ég ekki.
höndlarinn: Afþví ég er hygginn. Þið eruð líka hyggnir, þið hafið lag á að
hafa framfæri af kúlíunum.
UNGI félaginn: Við höfum lag á því. — Er yður annars í hug að leggja kúlí-
unum til vopn á móti Englendingum?
höndlarinn: Má vera, má vera. Ég kann að meðhöndla kúlía á réttan hátt.
Maður á að gefa kúlía hæfilega mikil hrísgrjón, svo að hann tóri, að öðr-
um kosti getur hann ekki unnið fyrir mann. Er það rétt?
ungi félaginn: Já það er rétt.
HÖndlarinn: En ég segi: nei. Kúlíarnir eru billegri en hrísgrjónin og því get
ég útvegað mér nýjan kúlía. Er það réttara?
UNGI félaginn : Já, það er réttara. — Hvenær hugsið þér yður að senda
fyrstu vopnin í neðra borgarhlutann ?
288