Tímarit Máls og menningar - 01.12.1970, Qupperneq 152

Tímarit Máls og menningar
verið um 70.000 verður þessi útbreiðsla að teljast góð þegar á öðru ári blaðs-
ins. í þessari grein er þess þó ekki getið, hvernig þessir kaupendur skiptist á
milli landshluta, en af ýmsum heimildum, sem þó eru varla fullkomlega örugg-
ar, virðist svo sem Skuld hafi náð nokkuð almennri útbreiðslu.
í 33.—34. tbl. 2. árg. Norðlings er rætt um blöðin Skuld og Norðling, og
segir þar, að Skuld muni vera öllu meira keypt í Reykjavík en Norðlingur,
hins vegar hafi Norðlingur vinninginn í Snæfellsnessýslu og Barðastrandar-
sýslu. Ekki getur þó blaðið þess, hve mikið Norðlingur sé keyptur í nefndum
sýslum. Aftur á móti er alls ekki ósennilegt, að Skuld hafi verið allmikið
keypt í Reykjavík, hvergi var Jón Olafsson betur þekktur, og óvíða mun hann
hafa átt fleiri vini.
í 48. tbl. Fróða 1881 birtist skýrsla um blaðakaup í Hrunamannahreppi ár-
ið 1880. Þar segir, að á nefndu ári hafi 16 manns keypt þar Þjóðólf, ísafold
13, Skuld 7, Fróða 7, Norðanfara 7, Mána 7 og Norðling 6. Þetta virðist mér
vera allgóð útbreiðsla í svo fjarlægum hrepp, en þess ber að gæta, að kaup-
endatala tveggja norðanblaðanna og Skuldar er hin sama. Gæti því hæglega
verið um að ræða, að sumir kaupendur hafi haldið öll blöðin. Því miður eru
slíkar skýrslur ekki til úr fleiri hreppum. Eitt er þó enn ótalið, sem gefið gæti
nokkra vísbendingu um útbreiðslu Skuldar, en það eru hin fjölmörgu lesenda-
bréf, sem oft og einatt birtust í blaðinu. Þetta eru mestmegnis fréttabréf úr
viðkomandi sýslum, og sýna þau alltént, að Skuld hefur verið keypt í þessum
sýslum, þótt þau gefi hins vegar ekki vísbendingu um kaupendafj ölda. Bréf
þessi eru úr flestum landshlutum, en þó flest úr næstu sýslum við Eskifjörð.
Enn her að geta þess, að í 17. tbl. 1. árg. er það tilkynnt, að lengur sé ekki
hægt að fá samstæð eintök af 1. árgangi blaðsins, því að þau séu uppseld.
Hins vegar megi enn fá nokkur stök blöð. Þótt ekki sé kunnugt um upplag
hlaðsins fyrsta árið, þá virðist mér þetta benda til þess, að Skuld hafi þegar
í upphafi verið allmikið keypt. Einnig má þó vera, að hér sé um verzlunar-
brellu að ræða, en í annarri frétt í sama blaði er því lýst yfir, að við upphaf
2. árg. muni upplag hlaðsins verða stækkað nokkuð. Virðist síðarnefnda frétt-
in styðja þá skoðun, að þegar í byrjun hafi sala Skuldar gengið allvel.
í 27. tbl. 2. árg. er það tilkynnt, að sökum „vaxandi vinsælda og þokka
blaðsins“ sjái ritstjórinn sér fært að lækka árgjaldið úr 4 kr. í 3,75. Mun
þetta vera einsdæmi í sögu íslenzkrar blaðaútgáfu. Þó að þessi frétt virðist
benda til þess, að hagur hlaðsins hafi verið allgóður, er hún þó mjög tví-
eggjuð, og er engu síður líklegt að hér hafi verið um áróðursbragð að ræða
til þess að afla nýrra áskrifenda.
342