Tímarit Máls og menningar - 01.12.1973, Blaðsíða 74

Tímarit Máls og menningar
Nóg um það. Apropos!1 Mig gladdi þinn kross,2 af því þú berð hann með
sæmd og prýði.
Ég skrifaði Einari í Nesi og bað hann í Fróða að taka fram það skammar-
hneyksli í blöðunum, sem Jón Skuld lætur dynja yfir þig.3 Slíkt er ekki þér
til hnjóðs, heldur blöðum vorum og þjóð. Þú þarft ekki að yrðast við Jón,
enda hefir þú látið hann og alla hans húmhúkspinkla snarast undir kvið.
Ég sé ekki betur en það skásta í J[óni] sé nú alveg á förum og ekki annað
eftir en vaxandi siðferðisleg eyðilegging, lífstómleiki, hrekkir og húmbúg.
Þannig fara pólit [iskir] „partímenn“ flestir að lokum. Líf Jóns, uppeldi og
eðlisfar gjörir honum ómögulegt að lifa án þess að halda sér uppi á per-
sónulegu þrasi og það stórfelldu - úr því hann sleppir skáldskapnum, því
hann einn hefði átt að viðhalda í honum einhverjum snefil af anda og
hjarta. Próf [essor] Fiske segist vera forviða yfir blaðaskömmum okkar og
málaþrasi; slíkt uvæsen4 er einkenni okkar þjóðar, en með vaxandi hringli
og humhúki þessara tíma fer það illa (eins og það góða?) líka sívaxandi.
En hér þarf þjóðin aðvörunar við; hún er ung og má ekki gleyma að
skammast sín.
Nóg um þetta, en bón fylgir hréfi hverju: Svo er mál með vexti,minn elsku
vin og bróðir míns bezta vinar (hvers nafni er nú 10 vikna gamall og
þykir framúrskarandi barn, liggjandi hérna þegjandi og brosandi í vöggu
sinni) - já, svo er mál með vexti, að kirkjan mín hér á staðnum er fallin,
og þarf ég að hyggja hana í sumar. Viltu nú hjálpa mér og senda upp
hingað, helzt frá Noregi, 20-30 lesta skip með tilhöggna kirkjugrind? Ég
bið Jakob Sveinsson5 í Rvík að senda þér pöntunarlista, en hér set ég til
vara, ef þú færð ekki það bréf, það helzta: Lengd að utan 20 ál. 8 þuml.;
breidd 10 ál. 16 þ. Stafurinn 5 ál., sperrur eftir því (eins og hér tíðkast);
4 hita (2 járnbitar eru til), grind í turn, sem sé 16 ál. hár (eða 17) frá
grunni kirkjunnar. 7 (sjö) glugga (3 á hverja hlið og einn yfir dyrum)
hæfilega stóra, með t. d. 4 rúðum og bogmyndaða að ofan (og þar rúður);
1 Apropos: Vel á minnzt.
2 Tryggvi fékk riddarakross 1882.
3 Einar Ásmundsson í Nesi réð fyrir blaðinu Fróða á Akureyri. Jón Ólafsson ritstjóri
Skuldar stóð f illvígum blaðadeilum við Tryggva, og bárust þær deilur víðsvegar
um islenzku blöðin.
4 Óhæfa.
5 Byggingarmeistari í Reykjavík (1831-1896).
280