Tímarit um menntarannsóknir - 01.01.2009, Page 8

6
Tímarit um menntarannsóknir, 6. árgangur 2009
fullorðinna gagnvart nemendum sínum nauðsynlega en vanmetna forsendu vellíðunar
og náms barnanna. Á eftir fræðilegu greinunum fara tvær gagnrýnar umsagnir
annars vegar um bók og hins vegar um rannsókn: Sigurjón Mýrdal skrifar ritdóm
um nýja bók Gests Guðmundssonar um félagsfræði menntunar og Guðmundur
B. Kristmundsson rýnir í nýútkomna rannsóknarskýrslu um stöðu lestrarkennslu í
íslenskum grunnskólum. Hvorutveggja er athyglisverð lesning þar sem bók Gests er
hrósað en skýrsla menntamálaráðuneytisins er talin gefa alvarlegt tilefni til íhugunar
um almenna þekkingu á lestrarkennslu og læsi.
Vakin er athygli á því að efni tímaritsins er nú aðgengilegt í alþjóðlegu gagnaveitunni
Ebsco Host í gagnagrunninum Education Research Complete. Þar birtist efnið
níu mánuðum eftir að það hefur birst á prenti. Svo vill til að þessi gagnagrunnur
er venjulega ekki aðgengilegur í Landsaðgangi að gagnasöfnum og rafrænum
tímaritum á hvar.is, sem er miður en nokkuð sem ritstjórn ræður ekki við. Hann er
þó vitaskuld opinn þeim sem greiða fyrir aðgang. Nú er þessi gagnagrunnur öllum
opinn og aðgengilegur um skeið í tilraunaskyni. Þeir sem ekki fá tímaritið á pappír
hafa því endurgjaldslausan aðgang að því nú í Ebsco Host, Education Research
Complete í gegn um hvar.is. Í undirbúningi er að setja efni ritsins á heimasíðu FUM
og mun það auðvelda aðgengi enn frekar, bæði beint og um Gegni og tímaritaskrá
Háskólabókasafns. Þar verður þó um sömu birtingartöf að ræða, eða níu mánuði.
Enn er ástæða til að minna á að næsti skiladagur fyrir efni í ritið er 1. maí 2010.
Ennfremur er vakin athygli á því að þeir sem hug hafa á því að fá ritrýni á bækur
sínar birta í ritinu geta sent ritstjóra eintak. Hann tekur á móti nýjum bókum um
menntarannsóknir af áhuga.
Ritstjórnin þakkar öllum þeim sem lagt hafa hönd á plóg við útgáfuna kærlega fyrir
samstarfið.
Gretar L. Marinósson
Frá ritstjóra