Skagfirðingabók - 01.01.1985, Qupperneq 17

ARNI I VIK
ekki borið þann kostnað, sem af viðhaldinu mundi leiða.
En Eyfirðingar sögðu já — þeir höfðu efni á því þá (Gísli
Kristjánsson, 358).
Fljótlega eftir heimkomuna fékk Arni kærkomið tækifæri til
að kynnast héraðinu sínu á nýjan hátt — og kynna hugmyndir
sínar: hann var kosinn af sýslunefnd „til þess að skoða og mæla
jarðabætur“ í fimm hreppum sýslunnar (sbr. Sýslufundargerð
1908).
II
Lítum nú aftur til ársins 1905 þegar ungmennafélagið Æskan er
stofnað. Það virðist réttmætt að kalla Æskuna elsta ungmenna-
félagið hér á landi, en hún var stofnuð á Hafsteinsstöðum 20.
október umrætt ár. Jón Sigurðsson segir svo í ritgerð sinni um
Ungmennasamband Skagafjarðar:
Það er haft fyrir satt, að ungmennafélagshreyfingin hafi
borizt hingað til lands frá Noregi og að fyrsta ungmenna-
félagið hafi verið stofnað á Akureyri 7. janúar 1906 eða
nokkrum mánuðum eftir, að fyrstu félögin í Skagafirði
tóku til starfa. Ef til vill hanga einhverjir i því, að fyrstu
æskulýðsfélögin í Skagafirði notuðu ekki ungmennafé-
lagsnafnið. I þess stað kenndi annað þeirra sig við framfar-
ir og hitt við æskuna. Lög þessara félaga voru frá upphafi
þannig, að þegar þau tengdu ungmennafélagsheitið við
nafn sitt, þurftu þau enga aðra breytingu að gera á lögum
félaganna, til þess að þau væru í fullu samræmi við lög
þeirra félaga, er höfðu starfað undir ungmennafélags-
nafninu frá öndverðu Qón Sig., 7).
Þeir sem forgöngu höfðu um stofnun Æskunnar voru Árni í
Vík, Jón á Reynistað og Friðrik Klemensson, síðar póstmeistari
í Hafnarfirði (faðir Friðriks læknis á Sauðárkróki). Allir þessir
menn höfðu þá nýlokið prófi frá Hólaskóla. Jón Sigurðsson
tengir stofnun þessa æskulýðsfélags beint áhrifum frá Hólum
og „kraftinum sem aldamótaæskan bjó yfir“. Fimmtán piltar í
15