Skagfirðingabók - 01.01.1985, Blaðsíða 23

III
Stóra, gráa steinhúsið
stendur á háum bala.
Sumarið 1907 samdi Arni við tvo menn á Sauðárkróki um
kaup á 20 þúsund steinum til byggingar íbúðarhúss. Höfðu
menn þessir komið sér upp steypuverksmiðju á Borgarsandi
árið áður:
Næsti vetur fór svo í að aka þessu grjóti fram í Vík. Vorið
1908 fluttist ég svo hingað að Vík, ásamt systur minni, og
hóf búskap og jafnframt byggingarframkvæmdir, því að
hér var þá eiginlega húsalaust. Byggingin reyndist mér
auðvitað þungur baggi, en upp komst hún fljótt og vel og
fyrir nýár var henni lokið. Aðalsmiður var Þórður Jóns-
son, ættaður úr Hofsósi en fluttist seinna til Isafjarðar, en
steinsmíði annaðist Daníel Daníelsson frá Akureyri
(M. H. G„ 22).
Jónas Stefánsson, Eyfirðingur að ætt, vann við innréttingu á
húsinu í Vík. Honum segist svo frá í bók sinni Frá Kotá til
Kanada:
Hús þetta var tvær hæðir á háum kjallara. Trésmíðameist-
arinn hét Þórður, en múrmeistarinn Daníel. Það var langt
frá því, að hús þetta væri hyggilega byggt til þess að gera
sem bezt gagn og vera þægilegt. I húsinu voru t. d.
pallstigar 18 þml. (46 sm) á breidd. Og þegar handrið
hafði verið sett upp, var ekki hægt að fara með nein stór
stykki upp eða niður sökum þrengsla (105).
Hér mun Jónas misminna. Breidd stigagangsins var 124 cm
og stigabreidd tæpur helmingur þar af. En vissulega hefur ekki
allt tekist sem skyldi við gerð hússins. Ellert Jóhannsson í
Holtsmúla segir húsakynnin hafa verið „afar köld“ (Tindastóll,
1962, 2. h„ 26), en hann var í Vík 1911 — 12. Árni hafði gert ráð
fyrir, að steinninn með loftholum sínum einangraði betur en
21