Skagfirðingabók - 01.01.1985, Page 107
LIFNAÐARHÆTTIR SKAGFIRÐINGA
litlar, að þeirra er varla getandi. Framfarir vorra tíma móts við
fyrri tímans eru svo miklar, að ótrúlegt mundi það hafa þótt um
1840, ef einhver hefði þá getað sagt, að munurinn yrði jafn-
mikill orðinn eftir 50 ár, eins og hann í raun og veru er nú. Það
er óneitanlegt, að Islendingar hafa á seinni árunum látið sér
þoka allmikið fram til þjóðmenningar, svo að margt í daglega
lífinu er skemmtilegra og sýnist að vera fagrara en áður. Það
nær engum áttum að halda því fram, að daglega lífið og
almennur hagur þjóðarinnar hafi verið betri, þá til alls kemur, á
fyrri tímanum heldur en á nútímanum. Annað mál er um það,
að sumt kann það að hafa verið, er áður var viðhaft, en nú er
horfið úr sögunni, en annað nýtt komið í staðinn, gæti máske
sýnzt allt eins hagfellt, þótt hins fyrra hefði lengur notið. Til
þess má telja viðskipti landsmanna sjálfra í líka átt og áður er
sýnt að verið hafi. En það yrði of langt mál að leiða í ljós
mismun þann er yrði á samanburði þálegs og núlegs tíma, því til
að fá samanburð þann sem nákvæmlegastan, þyrfti maður að
útvega sér allar mögulegar hagskýrslur frá báðum tímabilunum.
I þetta skipti eru eigi föng á því fyrir hendi. Einnig get eg
ímyndað mér, að ritgjörð þessi sé orðin nógu löng, þrátt fyrir
þótt að skýrslurnar skorti.
105