Skagfirðingabók - 01.01.1985, Side 111
GRAFSKRIFT UM YTRI-HOFDALAFÓLK
Mjaltaði kýr og mat til bjó,
malaði þangað til hún dó.
Gróa Pétursdóttir vinnukona, fædd í ársbyrjun 1812 í Hafn-
arfirði, dáin 1886 á Skúfsstöðum. Hún var dóttir Péturs Eyjólfs-
sonar frá Rein í Hegranesi og konu hans Onnu Snorradóttur.
Gróa ólst upp syðra, en barst uppkomin norður í land og var
ógift vinnukona alla ævi. Hún var mjög lengi á Ytri-Hofdölum,
fyrst hjá foreldrum Jóns, en fylgdi síðan Jóni til æviloka. Mátti
segja, að lokahending vísunnar yrði spámæli, því hún gerði
verkin sín seinasta daginn, sem hún lifði.
5. Asmundsson Jón hér liggur látinn,
lengi sem áður smali var.
Jarpskjótta merin gengur grátin,
geta hans líka stúlkurnar.
Ærnar mæddar á moldir hans
migu fallegan rósakrans.
Jón Ásmundsson vinnumaður, fæddur 1863 á Þúfum í Óslands-
hlíð. Foreldrar hans voru Asmundur Ásmundsson og Ingi-
björg Þorláksdóttir, þá búlaus í Þúfum. Jón kom vinnumaður
frá Reykjum í Hjaltadal að Ytri-Hofdölum árið 1881 og er þar
til 1883. Eftir það hefur ekki tekizt að rekja feril hans, og finnst
hann ekki í Skagafirði í aðalmanntali 1890.
6. Hér hvílir Guðlaug Indíana,
ára fjögra, sem deyja vann.
Sumt af fólkinu syrgði hana,
sú hafði róminn liðugan.
Hún var á kvöldin þeygi þekk,
þegar of lítið sofa fékk.
Guðlaug Indíana tökubarn, fædd 1875 í Réttarholti. Foreldr-
ar hennar voru Jónas Jónasson og Margrét Hallsdóttir, þá
húshjón í Réttarholti, áður búandi í Litlabæ í Blönduhlíð og
109