Jón á Bægisá - 01.04.1997, Síða 66

David Arnason
2
og einnig á þessu ári lét veröldin ógert að líða undir lok
handahóf reglunnar
brum lauf stilkur og grein
snúast um árstíðirnar
kliðmjúk hljómfræði öldugangs
sverfur ströndina
gangstéttir liggja þangaðsem enginn gengur
gæsir fljúga undir norðurskautshimni
með flókin landabréf í taugakerfum
þröngra höfuðskelja
sól tungl og stjörnur
beina þeim að byssu veiðimanns
dagar þungaðir fyrirboðum
þegar tómleikinn tekur völd
dauðdagi í umferðarslysi
óhöpp í stjörnugeimnum
sem breyta lit
á skóf og mosa
margslungin mynstur á væng mölflugu
sem rotar sig á ljósaperu
yfir húsdyrunum hjá mér
ég læt hallast frammaf svölunum
á fjórtándu hæð í Regency Towers
og í kvöld breiðir Winnipeg úr sér fyrir neðan okkur
raflýstur uppdráttur fáránlegra taugahnoða
mér er skapi næst að stökkva
fleygja mér inní miðju þessa tóms
og lenda aldrei
en við erum að drekka Tequila
og gera áætlanir
ástríðurnar hvesstar á áfengi
herbergið verður þokulegt
en næsta ár er glöggt og greinilegt
Grikkland Tyrkland Krít
Parþenon eldheit Miðjarðarsólin
allt er það rammara en sítrónubragðið
og mildur bragðlítill saltkeimurinn
64
fán á Jlayáá - TÍMARIT ÞÝÐENDA f • 1997