Jón á Bægisá - 01.04.1997, Síða 88

Kristjana Gunnars
Næturvinnuþjarkar ragnaraka
afgangur mannkyns
ég hef reynt að ráða í framtíðina
leysa hana úr böndum
kannski er það sem truflar einfalt
kjarnorkan
ég get ekki um það dæmt
ég ætti bara að láta mig varða
svart á hvítu
orkuna sem fer í að uppræta
jafnvel hrognkelsapiltinn
frá raufarhöfn sem rýnir
gegnum kaðla og festar
reiðans á „sigurvon“ sinni
í svartri og hvítri ullarpeysu
meðan hann njörvar seglið
ég veit það
vertíðin er góð, 1800
kíló á dag
og hvít bringa lítillar
andar svífur yfir svart marborð
og rennir sér bakvið stýrishúsið
en þetta er efni sem verður
að kynna
eilítið nánar
og auðvitað er nógur tími
úrþví ég á iðulega leið um bryggjurnar
86
fási, á JSœytóá - TÍMARIT ÞÝÐENDA 1*1997