Jón á Bægisá - 01.04.1997, Side 104

Kristjana Gunnars
sældarbrauð handa framliðnum
í kvöld flýgur lítill grár fugl
ankannalega hátt
yfir þök borgarinnar
„rökkurfugl
rektu burt hjátrú mína“
það er djúpstæð hefð
að yrða á fugla þegar þeir dúndra
við innvaxinn gluggann í veggnum manns
„fals og lygar tvístrist
meðal huldugauka nætur
þegar högnar líta upp úr húsasundi
stóreygir og rysjóttir“
ég stend ekki við gluggann og óska
vantraustinu norður og niður
ég veit að fuglarnir tylla sér ekki
á tré þarsem þau eru ekki til
„skrykkjótti flugvargur yfir torfu fiskimanna
í dag leitar glaumur að heitu
vatni, 31 gráða á selsíus
hann borar í grundarfjörð
180 metra niður og vissulega
fer glaumur lengra
hann heggur og grefur þúsund metra til að forðast
tilhugsun um stríð“
fjarskinn afmáir rökkurfuglinn
á þeirri stund á ég vanda til að velta fyrir mér hvenær
öld sigurvinninga
leið undir lok
102
d JBaptóá - TÍMARIT ÞÝÐENDA 1*1997