Jón á Bægisá - 01.10.2009, Qupperneq 9

Helgi Hálfdanarson
Helgi Hálfdanarson var ekki einungis þýðandi og lyfsali heldur var
hann merkur fræðimaður og var honum annt um íslenskt mál. I tveimur
greinasöfnum, Skynsamleg orð og skœtingur og Molduxa, er að finna helstu
greinar Helga er varða íslenskt mál og þýðingar og voru það Sigfús Daða-
son og Páll Valsson sem tóku greinarnar saman. Þar er safn þeirra greina
sem Helgi ritaði í blöð og tímarit landsins, flestar eftir að hann fluttist til
Reykjavík árið 1963. Helgi fékk oftar en ekki sterk viðbrögð við skrifum
sínum og átti stundum í ritdeilum við menn á síðum blaðanna. Frægt er
orðið að stundum skrifaðist hann jafnvel á við sjálfan sig, þá undir eigin
nafni og nafninu Hrólfur Sveinsson.
Árið 2007 var sett upp sýningin „Handan um höf“ í Þjóðmenning-
arhúsinu. Á sýningunni gaf að líta helstu þýðingaverk Helga ásamt þeim
frumsömdu verkum sem einnig liggja eftir hann. Sýningin var svar við
þeirri þögn sem um Helga ríkti í þá nýútkomnu bindi íslenskrar bók-
menntasögu.
Helgi lést á heimili sínu þann 20. janúar 2009, 97 ára að aldri. Hann
hafði glímt við Parkinsonveiki síðustu ár ævi sinnar og hafði samhliða
þeim veikindum dregið verulega úr skrifum sínum. I dánartilkynningu
Helga kom fram að hvers kyns eftirmæli væru vinsamlega afþökkuð og
lýsir sú beiðni enn á ný vilja hans til að láta verkin standa, en leyfa þýð-
andanum að stíga til hliðar.
yf-ósi á fföay/öá- — af og frá, ég kann ekki nokkurt erlent tungumál 7