Jón á Bægisá - 01.10.2009, Side 84

Ólajur Bjarni Halldórsson
Draumur á Jónsmessunótt
Verkið - saga og uppruni
Leikritið Draumur á Jónsmessunótt (e. A Midsummer-night 's Drearri) eftir
William Shakespeare (1564-1616) er talið vera ritað á árunum 1594-1596.
Að mestu leyti er verkið talið vera hugmyndasköpun höfundar en þó eru
nefnd verk sem álitið er að hann hafi stuðst við eins og „Saga riddarans"
(e. „The Knight's Tale“) eftir breska skáldið Geoffrey Chaucer (1342-1400)
sem er hluti Kantaraborgarsagna (e. The Canterbury Tales). Einnig er nefnd
til sögunnar Gullni asninn eftir Apúleius (frá 2. öld e.Kr.), Ævi Þeseifi eft-
ir Plútarkos (46—120 e.Kr.) Leikrit innan leikverksins er rakið til kafla úr
Ummyndananna eftir rómverska skáldið Óvíð (43 f.Kr.-i7 e.Kr.) Persónan
Bokki álfur (e. Puck fairy) kom fyrst fyrir sem Robin Goodfellow í leik-
ritinu Terrors of the Night eftir Thomas Nashe (1567—1601). Draumur á
Jónsmessunótt er einn af fyrstu gamanleikjum Shakespeares. Hann sker sig
úr öðrum gamanleikjum hans sem fyrsta verk um brúðkaup. Almennt er
talið að Shakespeare hafi ritað Draum á Jónsmessunótt sem skemmtun fyrir
sérstakt brúðkaup þó ekki finnist heimildir um það brúðkaup. Ólíkt öðrum
verkum hans, þrátt fyrir tilvísanir hér á undan, þá reiddi höfundur sig lítt á
önnur leikrit, sögulegar frásagnir eða önnur frumsamin verk. Má því flokka
Draum á Jónsmessunótt sem eitt af hans sönnu og frumlegu verkum.1
Persónur í leikritinu
Persónusköpun höfundar í leikverkinu er mjög fjölbreytt og má segja að
hún sé dregin úr þremur ólíkum áttum; úr heimi aðalsins í Grikklandi
1 Sjá vefsíðurnar http://www.enotes.com/midsummer/ og
http://www.cummingsstudyguides.net/xMidsummer.html
82
á Ú3r/yá>á — Tímarit um þýðingar nr. 13 / 2009