Þjóðmál - 01.12.2009, Qupperneq 60

58 Þjóðmál vetur 2009
Ragnar Jónasson
Leyndardómar verka
Agöthu Christie afhjúpaðir
Gamaldags sjarmi, í anda Agöthu Christie, svífur yfir vötnum á veitingastaðnum
í West India Quay í Lundúnum þar sem ég
hitti rithöfundinn John Curran á sólríkum
sunnudegi, en hann hefur verið aðdáandi
Agöthu Christie um árabil . Við ætlum að
spjalla saman um nýju bókina hans . Veit­
inga staðurinn er til húsa í gamalli sykur­
vöruskemmu frá nítjándu öld og það er
auðvelt að ímynda sér þetta sem vettvang
morðs í spennusögu eftir Agöthu Christie –
eða jafnvel staðinn þar sem Hercule Poirot
biður hina grunuðu að safnast saman til há­
degisverðar, undir því yfirskini að spyrja þá
nokkurra spurninga – en afhjúpar að lok­
um einn gestanna sem morðingjann! Að
þessu sinni sé ég hins vegar um að spyrja
spurninganna en John Curran ætlar að sjá
um afhjúpanirnar – enda veit hann meira
um sögur og sögufléttur Agöthu Christie en
flestir aðrir aðdáendur hennar, sér í lagi eftir
að dóttursonur Agöthu, Mathew Prichard,
veitti honum aðgang að minnisbókum ömmu
sinnar . Í kjölfarið skrifaði Curran bók – nærri
500 blaðsíður að lengd – sem HarperCollins
bókaútgáfan gaf út í Bretlandi í september og
kallast Agatha Christie’s Secret Notebooks: Fifty
Years of Mysteries in the Making .
Stefnir á doktorsgráðu í Agöthu
John Curran, sem byrjaði að lesa Agöthu Christie bækur sex eða sjö ára gamall, tók sér
ársleyfi frá störfum sínum sem opinber starfs­
maður til þess að rannsaka minnis bækurnar
og skrifa bókina . Nú stefnir hann á það að
setjast í helgan stein óvenjulega snemma til
þess að einbeita sér að Agöthu Christie . Hann
er með aðra bók í undirbúningi og hyggst
öðlast doktorsgráðu í Agöthu Christie frá
Trinity College í Dyflinni .
Curran hafði aðgang að 73 minnisbókum
við gerð bókarinnar, en þær ná yfir allan feril
Agöthu . „Þetta er í fyrsta sinn sem einhver
hefur skoðað minnisbækurnar gaumgæfilega,“
segir Curran, sem einbeitir sér aðeins að
skrifum Agöthu og sögufléttum hennar, en
lætur hjá líða að fjalla um einkalíf hennar . „Í
Rætt við John Curran, höfund bókarinnar Agatha
Christie’s Secret Notebooks, sem kom út í september .