Ritröð Guðfræðistofnunar - 01.01.2011, Side 135

Sigríður Guðmarsdóttir:
Haukur Ingi Jónasson (2006)
„In a Land of a Living God: The Healing
Imagination and the Icelandic Heritage“
Doktorsritgerð lögð fram við
Union Theological Seminary í New York
Ritgerð Hauks Inga Jónassonar ber nafnið „ In a Land of a Living
God: The Healing Imagination and the Icelandic Heritage“ og liggur
til grundvallar doktorsgráðu hans frá 2006. Verkefnið er þverfaglegt og
byggir á aðferðafræði sem beitt er innan geðsjúkdómafræði og trúarbragða.
Aðalleiðbeinandi Hauks Inga við verkið var dr. Ann Belford Ulanov prófessor
í geðsjúkdómafræði og trúarbrögðum við Union og júngískur sálgreinir,
en aðrir sem störfuðu í doktorsnefndinni voru doktor Harry Fogarty við
Union, lektor í geðsjúkdómafræði og trúarbrögðum við Union og júngískur
sálgreinir, dr. Mikael M. Karlsson, prófessor í heimspeki við Háskóla íslands
og dr. Christopher Morse, prófessor í trúfræði við Union.
Ritgerðin er alls 441 blaðsíður að lengd sem skiptist í sex kafla auk
inngangs. Haukur Ingi er guðfræðingur að mennt og lauk prófi frá HI
1994 með áherslu á félagssiðfræði og sálgæslu. Hann lauk gráðunum Master
of Sacred Theology (S.T.M.), Master of Philosophy (M.Phil.) og Doctor
of Philosophy (Ph.D.) frá Union. Meðfram doktorsnámi sínu sinnti hann
einnig námi í klínískri sálgæslu (CPE) á Lennox Hill Hospital í New York
og sálgreiningu á Harlem Family Institute. Hann hefur sinnt sálgreiningu
á íslandi og starfar nú sem lektor við verkfræðideild Háskóla íslands. Það
er því mikil og fjölbreytileg þekking og reynsla sem liggur að baki ritgerðar
Hauks Inga um hið læknandi ímyndunarafl og hina íslensku hefð.
Ég vil sníða mér aðferðafræðilegan stakk eftir vexti svo að að mitt
takmarkaða sjónarhorn á verkið verði skýrara. Þegar gera skal stóru og
þverfaglegu verki skil er oft erfitt að velja á milli þess að hlaupa yfir allt eða
einbeita sér að ákveðnum, afmörkuðum þáttum. Ég hef valið síðari kostinn
og mun einbeita mér að því að gera ritgerðinni skil á því sviði sem ég þekki
133