Ráðunautafundur - 15.02.1995, Blaðsíða 37

29
Þess ber einnig að geta að Samstarfshópurinn tók nú í haust þátt í sameiginlegu verkefni
kjötgreinanna. Þar var kjöt auglýst í sjónvarpinu og öðrum fjölmiðlum sem nauðsynlegum og
hollum þætti í almennum matarvenjum. Afrakstur þessa samstarfs var einnig að hluta útkoma
kjötbókarinnar.
Það sem af er þessu verðlagsári hafa 2 aðgerðir verið framkvæmdar. í fyrsta lagi var
afurðastöðvum boðið upp á niðurgreiðslu í sláturtíð og í öðrum lagi þá var afurðastöðvum
boðið upp á 12% niðurgreiðslu á kjöt frá 1993. Árangur þessara aðgerða er góður og til að
mynda eru birgðir af gömlu kjöti um áramót minni en mörg undanfarin ár.
Á yfirstandandi ári verður boðið upp á ýmsar nýjungar sem eflaust eiga eftir að vekja
athygli.
Það er skoðun þeirra sem í hópnum eru að breyta þurfi áherslum, þ.e. minnka áherslur á
hreinar niðurgreiðslur og auka áherslur á sölu- og markaðsaðgerðir.
Eins og ég hef bent á þá er það eitt alvarlegasta vandamálið sem steðjar að greininni sú
staðreynd að unga fólkið borðar sífellt meira af annarri fæðu en lambakjöti.
Þess mun gæta í þeim aðgerðum sem framundan eru að við erum markvisst að reyna að
höfða til unga fólksins, án þess að gleyma eldri neytendum.
NIÐURLAG
Þrátt fyrir að ég hafi dregið upp dálítið dökka mynd af sölumálum á lambakjöti þá er það von
okkar í Samstarfshópnum að salan á yfirstandandi verðlagsári verði svipuð og helst meiri en á
síðasta verðlagsári.
Til þess að svo megi verða þurfum við að setja okkur ákveðin markmið og það hefur
verið gert.
Gerð hefúr verið sölu- og markaðsáætlun fyrir Samstarfshópinn fyrir yfirstandandi verð-
lagsár. Það er mikið verk framundan ef ná á sölumarkmiðinu.
Ef málunum er mætt með jákvæðu hugarfari, skilningi og síðast en ekki síst vilja til að
gera betur þá er hægt að snúa úr vöm í sókn.