Tímarit Máls og menningar - 01.02.2015, Qupperneq 82

B r é f m i l l i Þ ó r b e r g s o g N í n u Tr y g g va d ó t t u r
82 TMM 2015 · 1
varð skemmtilegt. Guð gaf fallegt veður, svolítil él um tíma með glaðasól-
skini á milli og næstum logni. Svo hættu élin, og þá var alltaf sólskin. Það
komu nokkuð margir hingað heim. Það var mikið talað saman, en ekkert
minnst á það, hvað ég væri orðinn gamall. Það var nóg af vínum og stofurnar
fullar af sólskini, og ég fékk ósköp af skeytum. Margrét las þau. Um kvöldið
var mér haldið samsæti í Lydó. Um 220 manns. Þar var skemmtilegt. Þar
voru haldnar nokkrar ræður um það, hvað ég væri merkilegur maður. Lárus
Pálsson og Þórsteinn Stephensen lásu upp úr bókum mínum. Þá fyrst rann
upp fyrir mér, hvað ég er skemmtilegur rithöfundur. Þeir lásu líka eftir
mig í útvarpið, og ég sagði merkilega draugasögu af segulbandi. Mér var
gefinn stjörnukíkir, sem stækkar alla hluti fjörutíu-sinnum. En ég sé ekkert
í honum. Ég ætla að biðja Jóhann Briem að útskýra hann fyrir mér. Hann
er eini íslenzki listamaðurinn, sem hefur fengist við hærri vísindi. Það er
gaman að tala við hann um stjörnurnar. Hann skilur hringi Satúrnusar
og tungl Júpíters og fjöllin í tunglinu okkar. Daginn fyrir afmælið var mér
haldin veizla í sendiráði Rússa og gefin þrjú gullstaup á litlum gullbakka
og útskorinn trédiskur. Margrét ætlar að hengja hann upp á vegg, þegar við
erum búin að fá 120 fermetra íbúð. Margir eru hissa á því, að ég skyldi ekki
verða neitt upp með mér af öllu þessu tilhaldi með mig. Ég skil mannlífið. Sá
sem skilur mannlífið verður aldrei upp með sér. Sá sem verður upp með sér,
skilur ekki mannlífið.
Selma3 er orðin í framan eins og allar persónur Guðdómsins hafi tekið sér
bústað í andlitinu á henni í jöfnum hlutföllum. Hún býður mér aldrei heim.
Einar Bragi bauð okkur heim í vetur. Þar var líka Svavar og frú.4 Einar býr
í Unuhúsi. Þetta var skemmtilegt kvöld, kaffi og með því og koníak á eftir. Ég
reikaði um stofurnar og rifjaði upp gömlu árin. Ég segi ekki meira. Sést þú
þar á þessu sumri? Mér er sagt að Lovísa5 og maður hennar séu rétt ókomin.
Hann kvað vera orðinn stórkostlegur málari. Ég held að Lovísa og Matthías
spyrill séu systkinabörn. Þess vegna þóttist Steinn hafa miklar mætur á
Matthíasi.6 Matthías er ágætur maður. Skyldi Steinn greyið vera kominn upp
til Sumarlandsins? Hann lagði of mikla vinnu í hér á jörð að rógbera menn
og svívirða. Sumir segja, að hann hafi ekkert meint með þessu. Því ógeðs-
legra að iðka það sem sport.
Nýlega vorum við í boði hjá Valtý Péturssyni, og enn þá nýlegar voru þau
hjónin boðin til okkar. Margrét sagði bæði kvöldin frá miklu og stórkostlegu
ástardrama, sem gerðist hér í bænum í haust. Kona Valtýs er ekki gáfuð. Hún
er fluggáfuð.7 Hún skilur reimleikalífið. Í húsi einu við Hjallaveg er ramm-
reimt. Þar kom gestur að kvöldi dags og sagði: „Ég er nú skeptiskur.“ Í töl-
uðum orðum kemur öskubakki þjótandi úr einu horni stofunnar, sem mað-
urinn sat í, og straukst næstum við eyrað á honum og small í vegginn á móti
og mölbrotnaði. Enginn var þarna inni nema skeptíkerinn og húsfreyjan.
En risið var nokkuð laust á skeptíkismanum, því að maðurinn stóð upp, tók
hatt sinn og flúði á dyr. Í þessu húsi hafði geggjaður maður fyrirfarið sér, í