Múlaþing: byggðasögurit Austurlands - 01.01.2006, Qupperneq 92

Múlaþing
Ibúðarhúsið á Mýrum varfyrsti samkomustaður Ungmennafélags Skriðdœla. Eigandi myndar: Ólöf
Zóphóníasdóttir.
var nú tekinn við formennsku félagsins af
Helga á Geirólfsstöðum, sem hafði tekið
við embættinu af Guðmundi sem var fluttur
til Reyðaríjarðar. Björn var duglegur og
eldheitur félagsmála- og bindindismaður.
Var hann formaður í mörg ár. Eftir að
félagið hafði fengið aðstöðu til samkomu-
halds að Mýrum var samþykkt einróma á
fundi þess að efna til sumarsamkomu þar.
Undirbúningur hvíldi að mestu á formanni
og stjórn. Fenginn var ræðumaður frá
Eiðum, séra Asmundur Guðmundsson.
Söngflokkur var fenginn úr Fljótsdal, bæði
karlakór og blandaður kór. Samkomuna
sótti fjöldi manns. Allir á hestum. Eftir
ræðuhöld og söng var dansað fram á blá
kvöld. Bæði ræðumanni og söngfólki var
mjög vel fagnað enda hvorutveggja hið
prýðilegasta. Þessar sumarsamkomur á
Mýrum urðu ekki fleiri en voru haldnar í
Stóra-Sandfellsskógi í nokkur sumur.
A fyrstu fundum félagsins upp úr
vetumóttum 1922 var rætt um að reyna að
setja upp leikrit. Voru þær systur frá
Þorvaldsstöðum þess mest fýsandi. Eftir
allmikla leit varð fyrir valinu Maður og
kona eftir Jón Thoroddsen. Ekki var bókin
til í leikritsformi. Það þurfti því að skrifa
leikrit upp úr bókinni og síðan rullu fyrir
hvern leikara. Þrátt fyrir mikla vinnu var
leikritið sýnt seinni part vetrar 1923 við
mikla hrifningu og þótti hinn mesti
viðburður. Næsta vetur var svo tekið fyrir
leikritið Happið. Ekki man ég hver er
höfundur þess, en það var æft og sýnt á
útmánuðum 1924. Þótti þetta vel leikinn og
skemmtilegur skop- eða grínleikur. Næsta
haust var ráðist í að æfa erfiðasta og
vandasamasta verkið, en það var
Tengdamamma eftir Kristínu Sigfúsdóttur.
Var það fyrst sýnt hérna heima, en farið
með það bæði á Reyðarfjörð og út í
Vallahrepp. Eftir sýningu á Reyðarfirði
stóðu nokkrir menn upp og þökkuðu
leikendum. Þar á meðal var maður úr
Reykjavík, rafmagnsverkfræðingur. Hann
sagðist hafa farið á þessa sýningu bara til að
sjá hvernig hægt væri að misþyrma jafn
90