Múlaþing: byggðasögurit Austurlands - 01.01.2006, Qupperneq 94

Múlaþing
Brúin yfir Grímsá frá 1928 sem nu er horfm. Eigandi myndar:
Ljósmvndasafn Austurlands.
bændum sem liðfáir voru við heyskap að
koma með alla félagsmenn og slá og raka
eina dagsstund. Var þetta vel þegið af
nokkrum bændum. Eg man sérstaklega eftir
heyskap í Stefánsstaðahólma og á Kálf-
eyrinni á Hátúnum. Ekki man ég hve
margar krónur félagið fékk fyrir þetta, en ég
man eftir þeirri ánægju og gleði sem skein
af hverju andliti á heimleiðinni.
Haustið 1928 var lokið við smíði
steinsteyptrar brúar yfír Grímsá hjá
Hvammi á Völlum. Þótti fyrirmönnum
bæði hreppsins og Ungmennafélagsins
ástæða til að fara þess á leit við ríkisstjóm
að brúartimbrið sem þarna losnaði yrði flutt
upp í Skriðdal og þar reist önnur brú. Björn
Guðnason formaður félagsins hafði forustu
í málinu ásamt hreppsnefnd og stjórn
félagsins. Bjöm talaði við forustu vegamála
en þeir viku sér undan og vísuðu á
ríkisstjórnina. Málið var rætt á fundi
félagsins og þar samþykkt að leggja til bæði
fé og vinnu ef að þetta fengist framgengt.
Fékk Björn umboð hreppsnefndar og
félagsins til að vinna áfram að málum.
Bjöm fær nú Einar Stefánsson á Mýrum
með sér til Reykjavíkur á fund
ríkisstjómar. Þeir gengu á fund
Jónasar frá Hriflu og lögðu
málið fyrir hann eins skil-
merkilega og kostur var. En
Jónas svaraði eftir nokkra
íhugun: ,,Það eru hreppar hér
og þar um allt land sem enga
brú hafa fengið á sín vatnsföll. A
meðan er ekki hœgt að mœla
með því að þið fáið tvœr brýr á
ykkar á“. Það voru sárir og
vonsviknir menn menn sem
gengu af fundi Jónasar í það
sinn. Ungmennafélagið keypti
þetta timbur og var það síðan
notað í uppslátt og fleira við
byggingu húss félagsins að Arnhólsstöðum
sem vígt var 1932.
Smiður við bygginguna var Einar
Stefánsson á Mýrum.
Arið 1989 færði Zóphónías á Mýrum
Héraðsskjalasafninu myndina af leikhópmim
sem er fremst í greininni.
Þá var talið að gjörðabók Ungmenna-
félags Skriðdœla vœri glötuð og bað Sigurður
Oskar Pálsson, skjalavörður Zóphónías um
að skrá minningar sínar frá fyrstu árum
félagsins. Brást hann vel við þeirri bón og
kom að hálfum mánuði liðnum með þáttinn
sem hér birtist.
Þess má geta að gjörðabók Ungmenna-
félags Skriðdœla kom í leitirnar og er
varðveitt á safninu.
A.Þ.
92