Múlaþing: byggðasögurit Austurlands - 01.01.2011, Qupperneq 85

Guðrún A. Jónsdótíir, verkefnastjóri hjá ÞNA
Rannsókna- og fræðastarf á
Austurlandi og hugmyndir um
Austurlandsakademíu
Hlutverk Þekkingarnets Austurlands varðandi rannsóknir
Frá árinu 2006 hefur Þekkingameti Austurlands (ÞNA) samkvæmt skipulagsskrá verið ætlað
að vera samstarfsvettvangur aðila er vinna að verkefnum á sviði rannsókna, háskóla- og
símenntunar (Þekkingarnet Austurlands, 2011). Hlutverk ÞNA varðandi rannsóknir var nýtt
árið 2006 og var í framhaldi ráðinn verkefnastjóri rannsókna árið 2007. Markmiðið er að
stuðla að auknum hlut rannsóknatengdra starfa á Austurlandi og auka þar með möguleika
menntaðs fólks til atvinnu en einnig að Austurland verði í auknum mæli viðfangsefni
rannsókna háskóla og rannsóknastofnana á landsvísu. Allt til að skjóta frekari rótum undir
blómlegt akademískt starf tengt svæðinu.
Vitað er að rannsóknatengd starfsemi á Austurlandi er stunduð í litlum stofnunum (fyrir-
tækjum) eða jafnvel af einstökum fræðimönnum á eigin vegum ásamt því að viðfangsefni á
Austurlandi eru stundum rannsóknarefni háskóla og rannsóknastofnana sem starfa á lands-
vísu. Því er ekki um einsleitan hagsmunahóp að ræða sem Þekkingametið gat sinnt og ekki
einföld og augljós leið til að rækja hlutverkið heldur er leitað leiða í sífellu.
Verkefni ÞNA tengd rannsóknum
Markmiðin með vinnu ÞNA á sviði rannsókna hafa verið að byggja upp og viðhalda upp-
lýsingum um þekkingu, rannsóknaverkefn i og rannsóknaaðstöðu, að vekja athygli á tækifæmm
í rannsóknum og stuðla að fjármögnun þeirra á Austurlandi.
Helstu verkefni sem unnið hefur verið að á vegum Þekkingarnetsins frá árinu 2007 eru:
• Skrá yfir einstaklinga og stofnanir sem stunda rannsókna- og fræðastarf á Austurlandi
• Rannsóknabókasafn Austurlands
• Rannsóknaþing
• Könnun á möguleikum þess að stofna Rannsóknasjóð Austurlands
• Útgáfa bæklingsins Hríslan með hugmyndum stofnana og fyrirtækja á Austurlandi um rannsókna-
tengd námsverkefni,
83