Múlaþing: byggðasögurit Austurlands - 01.01.2011, Síða 88

Múlaþing
að ræða en gefur ákveðna vís-
bendingu um umfang rann-
sókna á Austurlandi á árunum
2007 og 2008.
Árið 2010 réðist Mennta-
og menningarmálaráðuneytið
í að safna saman upplýsingum
um þekkingarstarf á lands-
byggðinni þ.m.t. á Austurlandi.
I skilagrein rýnihóps mennta-
málaráðherra um aðgerðir í
háskóla- og vísindamálum frá
27. ágúst2009 segir„Þekkingar-
stofnanir um land allt (rann-
sóknastofnanir, fræða- og
háskólasetur og aðrar stofnanir
sem stunda eða geta hýst rannsóknir) verði kortlagðar og myndað verði tengslanet með það
markmið að koma á öflugu samstarfi við rannsóknir og kennslu og ná þannig verulegum
samlegðaráhrifum“ (Mennta- og menningarmálaráðuneytið, 2010).
Skilgreining á því hvaða þekkingarstarfsemi skyldi tekin með í þeirri könnun er svohljóð-
andi: „Viðmiðunarár er 2009 og ákveðið var að einskorða upplýsingaöflunina við starfsemi
sem uppfyllti eftirfarandi tvö meginskilyrði:
• að starfsemin væri að hluta eða öllu leyti fjármögnuð af opinberu íjármagni ríkis og/eða
sveitarfélaga.
• að viðfangsefni starfseminnar væri á einhverju eftirtalinna sviða; Menntun og fræðsla, rann-
sóknir og þróun, menning, þjónusta og ráðgjöf ‘ (Mennta- og menningarmálaráðuneytið, 2010).
Markmið og skilgreining þessarar vinnu Mennta- og menningarmálaráðuneytis var því töluvert
annað en það sem ÞNA hafði að leiðarljósi við skoðun sína á rannsóknastarfsemi árin 2007
og 2008. Engu að síður er skörun milli þessara markmiða.
Samkvæmt áfangaskýrslu Mennta- og menningarmálaráðuneytis eru 31 setur sem fást
við þekkingarstarfsemi á Austurlandi og við þau eru 74 stöðugildi (Mennta- og menningar-
málaráðuneytið, 2010). Það kunna að vera skiptar skoðanir um hvort öll verkefni sem þama
eiga heima hafí verið talin í þessari úttekt og jafnvel hvort sumt sé þar oftalið en meginmyndin
er þó eflaust rétt.
Niðurstöður beggja þessara úttekta sýna að það eru allmargir aðilar á Austurlandi sem
fást við rannsókna- og þekkingarstarfsemi. Hvergi em þó Ijölmennar eða sterkar einingar í
þessum geira á Austurlandi enda er enginn háskóli eða stærri rannsóknastofnun þar.
Hugmyndin um Austurlandsakademíu
Það er ljóst að þekkingarsamfélagið á Austurlandi er byggt upp af mörgum smáum meira
og minna óháðum einingum og aukin tengsl og samvinna innan þessa samfélags gæti aukið
vægi þess. Hugmyndin um Austurlandsakademíu, sem væri félagskapur þekkingaraðila,
Hluti af Rannsóknabókasafni Austurlands, safndeildNáttúrustofu Austur-
lands í Neskaupstað. Ljósmynd: Aslaug Lárusdóttir.
86