Saga - 2017, Side 189

það og vildi hvetja landsmenn til dáða. Í þeirri hvatningu fylgdi
ýmislegt sem honum þótti nauðsynlegt að bæta á Íslandi og má í því
samhengi vísa í grein hans í danska blaðinu Illustreret Tidende þann
1. júlí árið 1900.6 Í Fjallkonunni þann 25. ágúst 1900 mátti finna um -
fjöllun um það sem komið hafði fram í fyrrnefndri grein.7 Í þýðingu
greinarhöfundar var meðal annars haft eftir Schierbeck að í Reykja -
vík vanti brúlögð stræti, gasluktir, góð hótel og blöð á hverjum degi.
Hann nefndi ennfremur að „hér mæti menn einmana beljum eða
geðgóðum íslenskum hesti sem gægist inn um gluggana og labbi
síðan áfram“. Í þýðingunni var ennfremur haft eftir Schierbeck að á
hóteli bæjarins væri „billiard stofa sem lykti af gömlum bjór og
lélegu tóbaki. Þar sitji og sofi hálffullir og út úr fullir gestir, eða þeir
skræki hátt og hríni upp yfir sig“. Greinarhöfundi Fjallkonunar
fannst þarna margt ósanngjarnt og spurði með kerskni hvort allir
„væru ófullir í kaupmannahöfn“.8 Það sést samt sem áður af lýsing-
um Schierbecks að hann var næmur á umhverfi sitt og tók eftir
ýmsu sem heimamenn voru hættir að sjá eða veittu ekki athygli, og
kemur málshátturinn „glöggt er gests augað“ óhjákvæmilega upp í
hugann. Þá benti Schierbeck einnig á það sem honum fannst jákvætt
í Reykjavík, svo sem kyrrðina, nálægð við náttúruna og gott mann -
líf.9
Ein myndanna sem varðveittar eru í albúminu á Ljósmyndasafni
Reykjavíkur sker sig nokkuð úr.
Undir myndina skrifaði Schierbeck eftirfarandi:
Tímabundið geðveikiskast ásamt tilheyrandi ofsóknarkennd (annað
kastið myndað). Sjúklingurinn var sóttur eftir átta tíma snarpa reið og
fannst algerlega brjálaður, bundinn eins og villidýr. Ég leysti hann strax
og viðmót hans gjörbreyttist, allt brjálæðið hvarf. Þá ljósmyndaði ég
hann. Smá þvermóðska sést enn.10
sigurgeir guðjónsson188
6 Illusteret Tidende 1. júli 1900, bls. 635−637.
7 Fjallkonan 25. ágúst 1900, bls. 1.
8 Sama heimild, bls. 1−2.
9 Sama heimild, bls. 2.
10 Frumtexti: „Periodiske maniakalske Anfald med Forfölgelsesforestillinger
(fotografert andre Anfaldt). Denne Patient blev hentet til (8 timers skarpt Ridt)
og fandt han aldeles rasende bagbunden som et vildt Dyr. Jeg löste strax ham
Bånd og hele hans Udtryk fraandredes: alt det vilde forsvandt: og da fotograf-
erede jeg ham. kun en vis Trods ses endnu.“ Þýðingu annaðist María karen
Sigurðardóttir.
Saga haust 2017 _11_(13.11.).qxp_Saga haust 2004 - NOTA 25.10.2017 12:54 Page 188