Fréttablaðið - 20.01.2022, Blaðsíða 26

Það er pláss fyrir
fleiri konur, og
munið að þið þurfið ekki
að reyna að hafa sömu
styrkleika og gaurinn við
hliðina því við viljum
ekki hafa einsleit teymi.
Halldóra G. Steindórsdóttir
Hugbúnaðargeirinn er fullur
af tækifærum fyrir konur og
verkefnin bæði spennandi,
skapandi og skemmtileg,
segir Halldóra G. Steindórs-
dóttir, hópstjóri á Upp-
lýsingatæknisviði Lands-
bankans.
„Það er sérstaklega skemmti-
legt að starfa í upplýsingatækni
í bönkunum þessi misserin. Það
eru gífurlegar breytingar á því
hvernig við veitum okkar þjónustu
þar sem tækninni fleygir fram og
viðskiptavinir vilja að sjálfsögðu
fá eins mikla og góða þjónustu í
sjálfsafgreiðslu og hægt er,“ segir
Halldóra sem starfar við þróun
hugbúnaðar á sviði greiðslu-
miðlunar á Upplýsingatæknisviði
Landsbankans, þar sem hún er
hópstjóri.
„Þetta leiðir af sér ógrynni góðra
hugbúnaðarverkefna og getur
verið snúið að forgangsraða og
velja vænlegustu verkefnin. Þessi
nýju verkefni keyrum við eins
hratt og vel og við getum í svoköll-
uðum sellum, þar sem blandaður
hópur sérfræðinga er settur saman
í verkefnahóp. Í sellunni eru þá
bæði forritarar, sérfræðingar, verk-
efnastjóri og lögfræðingur – eða í
rauninni allt sem þarf til að hægt
sé að klára verkefnið vel. Sellan
situr síðan saman og ber ábyrgð á
því að klára verkefnið.“
Vinnur fyrir Íslands hönd
Halldóra tók nýlega sæti í stjórn
Reiknistofu bankanna (RB) og í
Greiðsluráði Evrópu (EPC) fyrir
hönd íslensku bankanna.
„Eitt af því sem nánast öll fjár-
málafyrirtæki í Evrópu hafa legið
yfir síðustu árin, og er stóra verk-
efnið mitt nú, er ný reglugerð frá
Evrópusambandinu sem nefnist
PSD2. Tilgangur með reglugerðinni
er að auka öryggi í netgreiðslum
og leyfa öðrum en bönkum að fá
aðgengi að bankareikningum við-
skiptavina sinna, en að sjálfsögðu
aðeins með samþykki umræddra
viðskiptavina,“ upplýsir Halldóra,
og heldur áfram:
„Þetta þýðir að við munum
opna á sjálfsafgreiðslu með svo-
kölluðum API-þjónustum svo að
þjónustuaðilar geti leyft viðskipta-
vinum að framkvæma millifærslur
í sínu eigin appi og skoða banka-
reikningana sína. Þetta er gert með
því að láta appið hafa samskipti
við bankakerfið í gegnum API
með öruggum hætti. Þá eru einnig
gerðar kröfur um aukið öryggi í
greiðslum og munu viðskiptavinir
verða varir við ýmsar breytingar
á árinu, svo sem í því hvernig
innskráning er framkvæmd
og hvernig greiðsla er staðfest.
Þetta er stærsta verkefnið mitt
þessa dagana og ég held að það sé
nokkuð ljóst að þessi vegferð, um
að opna bankakerfið, muni halda
áfram á næstu árum.“
Undanfarin ár hefur Reiknistofa
bankanna innleitt Sopra-kerfið
sem er stórt og mikið verkefni sem
allir bankar hér á landi hafa tekið
þátt í, hver á sínum tíma.
„Sopra er klárlega stærsta
verkefni sem ég hef tekið þátt í en
Landsbankinn ruddi brautina og
var fyrstur í loftið haustið 2017. Nú
stefnir í að síðustu aðilarnir taki
upp kerfið um miðjan febrúar.
Þá verður loksins hægt að hefjast
handa við að hætta alfarið notkun
eldri greiðslu- og innlánakerfa RB.
Þetta er stórt verkefni sem snertir
Landsbankann með beinum
hætti þar sem við þurfum að losa
ýmsar lausnir af stórtölvu RB
en til stendur að hætta notkun
hennar. Ég tók nýlega sæti í stjórn
RB og það verður gaman að
fylgjast með og taka þátt í þessu og
öðrum verkefnum, bæði í gegnum
stjórnarsetuna og með störfum
mínum hjá bankanum,“ segir
Halldóra.
Stór verkefni í greiðslumiðlun
Fram undan eru fleiri stór og
krefjandi verkefni hjá Halldóru.
„Meðal annars tek ég nú þátt
í undirbúningi verkefnis um að
taka upp evrópskar reglubækur
fyrir greiðslumiðlun á Íslandi. Við
erum nefnilega svo góðu vön hér á
Íslandi, að hafa verið með raun-
tímagreiðslur síðan Reiknistofa
bankanna gerði það mögulegt
árið 1987. Þá vorum við langfyrsta
landið í heiminum til að gera
slíkt og í dag þykir okkur ekkert
sjálfsagðara en að geta millifært
okkar á milli á innan við sekúndu,
á meðan vinir okkar í Evrópu eru
bara rétt nýfarnir að geta þetta,“
greinir Halldóra frá.
Evrópubúar eru þó strax komnir
skrefi framar því þeir geti sent
evrur í rauntíma á milli landa en
fyrir okkur tekur það klukku-
stundir upp í einn dag að koma
evrum yfir til Evrópu.
„Vinnan í Evrópu hefur verið
unnin af EPC (European Payments
Council) og er því samræmd og
unnin í samstarfi við markaðinn í
heild. Því eru allir bankar að gera
þetta með sömu aðferð, á hag-
kvæman hátt eftir sömu reglu-
bókinni. Við á Íslandi erum því að
skoða hvernig við getum aðlagað
okkar innviði þessum evrópsku
stöðlum. Það er mikilvægt að
við stöndum jafnfætis evrópska
markaðnum og fáum þannig betri
tækifæri til að taka þátt í alþjóð-
legu eða evrópsku samstarfi um
greiðslur, bæði fyrir bankann og
viðskiptavinina,“ segir Halldóra,
og víst að nýlegt sæti hennar í EPC,
fyrir hönd íslensku bankanna,
fellur sérstaklega vel að þessu
verkefni.
Kunni varla á tölvu í upphafi
Halldóra hóf nám í tölvunarfræði
við Háskólann í Reykjavík árið
2000.
„Þá áttaði ég mig ekki á hversu
spennandi vettvang ég var að
fara inn á. Á þeim tíma var inter-
netbólan í hámarki, það varð
mikil fjölgun nemenda og algjör
metþátttaka kvenna. Þetta nám
var ótrúlega skemmtilegt! Ég var
ákveðin í að standa mig vel og vera
enginn eftirbátur hinna, þrátt
fyrir að hafa varla kunnað á tölvur
þegar ég byrjaði – og það tókst!“
segir hún kát.
Halldóra hefur unnið lengi hjá
Landsbankanum.
„Þar hef ég fengið tækifæri til að
spreyta mig á ýmsum hlutverkum
sem hefur verið mjög lærdómsríkt
og er einmitt kostur þess að vinna
hjá jafn stóru fyrirtæki og Lands-
bankinn er. Sem dæmi byrjaði
ég sem forritari í vefdeild og varð
síðar forritari á greiðslu- og korta-
kerfum bankans. Ég var á tíma-
bili greinandi og verkefnastjóri á
Verkefnastofu bankans, var síðar
vörustjóri á Fyrirtækjasviði þar til
ég fór aftur „heim“ yfir á Upplýs-
ingatæknisvið þar sem ég tek við
greiðsluhópnum í Hugbúnaðar-
lausnum. Það er ótrúlega gaman að
hafa tekið þennan 360 gráðu hring
um bankann sem styrkir mig mjög
í núverandi hlutverki. Landsbank-
inn er afskaplega góður vinnu-
staður þar sem jafnréttismálin
hafa verið tekin föstum tökum. Þar
er vel hugsað um starfsfólkið og
andinn er góður.“
Karllægur geiri á breytingaskeiði
Halldóra segir hugbúnaðargeirann
enn vera frekar karllægan.
„En ég hef alltaf haft jafn mikla
trú á að það sé að breytast og
jafnast, því störf innan geirans eru
svo fjölbreytt og nýjar tegundir
starfa verða sífellt til. Aðalatriðið
er nú samt að það er svo mikilvægt
að hafa kynjablöndun í teymum,
því við komum með ólíka hluti
að borðinu og erum að smíða
vörur fyrir alla. Því er fjölbreyti-
leikinn svo mikilvægur. Það er
ekki spurning að við náum betri
árangri og betra jafnvægi með því
að hafa jafnt konur sem karla við
borðið. Þetta er eitthvað sem við
höfum í huga í Landsbankanum
og ég er ótrúlega ánægð með að í
mínu teymi eru jöfn kynjahlutföll
og góð dreifing á styrkleikum svo
við bætum hvert annað vel upp.“
Hún hvetur konur til að láta til
sín taka og sækja í þennan geira.
„Því það er pláss, og munið að
þið þurfið ekki að reyna að vera
með sömu styrkleika og gaurinn
við hliðina því við viljum fá ólíka
styrkleika inn til að hafa ekki
einsleit teymi. Ég hvet líka sem
flesta sem eru í öðrum greinum í
háskóla eða jafnvel útskrifuð til að
taka nokkur fög tengd tölvunar-
fræði eða kerfislegri hugsun því
það mun margborga sig og styrkja
ykkur á vinnumarkaði.“
Ýmislegt líkt með húsgagna-
smíði og hugbúnaðargerð
Í Covid-inu tók Halldóra sig til og
skráði sig til náms í húsgagnasmíði
við Tækniskólann.
„Það hefur verið alveg ótrú-
lega skemmtilegt og ég ætla að
halda því áfram. Það er heilmikil
núvitund fólgin í því að vera að
vinna með viðinn, ákveðin hvíld
frá erli dagsins, fyrir utan hversu
gaman það er að smíða og vinna
með við og sjá afraksturinn. Það
hefur verið áhugavert að þarna hef
ég rekist á fleira fólk úr tækni-
geiranum og maður veltir fyrir sér
hvort þetta sé einhver bylgja. Það
er kannski samhljómur með því
að smíða hugbúnað og að smíða
húsgagn eða hús. Hvoru tveggja er
skapandi nákvæmnisvinna sem
krefst góðrar hönnunar og réttra
tóla,“ segir Halldóra.
Þriggja daga ganga á Rauðasandi
Þegar heimsfaraldurinn skall á
fóru Halldóra og maðurinn hennar
að stunda gönguferðir og skráðu
sig í skipulagðar göngur hjá göngu-
klúbbnum Veseni og vergangi.
„Það hefur verið æðislegt að
kynnast betur umhverfinu í
kringum borgina og við höfum
farið leiðir sem okkur hefði ekki
dottið í hug að fara upp á okkar
einsdæmi. Í fyrrasumar fórum
við í okkar fyrstu lengri göngu
sem tekur meira en dagleið og var
algjörlega stórkostleg upplifun. Nú
verður ekki aftur snúið og stefnum
við á að taka allavega eina lengri
göngu á hverju sumri. Í júní ætlum
við í skipulagða þriggja daga
göngu á Rauðasandi og nágrenni,
og hlakka ég sérstaklega mikið
til þar sem amma mín ólst upp á
Rauðasandi og við höfum margar
heyrt sögurnar frá þessu svæði,“
segir Halldóra, full tilhlökkunar
fyrir sumri komanda og spennandi
verkefnum fram undan í Lands-
bankanum. n
Látið í ykkur heyra
og takið ykkur pláss
Halldóra G. Steindórsdóttir tók nýlega sæti í stjórn Reiknistofu bankanna og í Greiðsluráði Evrópu (EPC) fyrir hönd íslensku bankanna. FRÉTTABLAÐIÐ/ANTON BRINK
6 kynningarblað 20. janúar 2022 FIMMTUDAGURFÉLAG KVENNA Í ATVINNULÍFINU