Fréttablaðið - 20.01.2022, Blaðsíða 6

Gætið þess að börn nái ekki í vöruna. www.msb.is
illjant
þvottaefni fyrir
bth@frettabladid.is
HEILBRIGÐISMÁL „Ég hef áhyggjur af
trúverðugleika ef upplýsingar sem
fram koma bera skugga á okkar
starfsemi,“ segir Valgerður Rúnars-
dóttir, læknir og forstjóri SÁÁ.
Brigslyrði hafa gengið milli
Sjúkratrygginga Íslands (SÍ) og
starfsmanna SÁÁ um hvort meðferð
viðkvæmra persónuupplýsinga hafi
verið ábótavant með því hvernig
sjúkraskrár skjólstæðinga voru
nýttar. Sjúkratryggingar hringdu
í skjólstæðinga til að tékka inni-
hald símaviðtala sem samtökin
buðu upp á í stað nærveruviðtala
þegar rannsókn fór fram sem nú
hefur leitt til þess að Sjúkratrygg-
ingar hafa sent málið til héraðssak-
sóknara.
Valgerður segir mikilvægt að SÍ
hafi gætt þess þegar hringt var í
skjólstæðingana að það hafi verið
gert þannig að ekki grafi undan
trausti. Þessi mál séu mjög við-
kvæm. Ekki liggi fyrir lýsing á því
hvernig SÍ hegðaði hringingunum.
Lýsir áhyggjum ef deilan skaði trúverðugleika SÁÁ
Valgerður
Rúnarsdóttir,
læknir og for-
stjóri SÁA
„Sumt af okkar fólki hringdi og lét
okkur vita að það hefði ekki verið
aðvarað eða skýrt fyllilega út hvers
vegna væri hringt. Það er á gráu
svæði. Þetta er viðkvæmt fyrir mörg-
um og ekki eitthvað sem allir eru til-
búnir að ræða,“ segir Valgerður.
Sjúkratryggingar hafa samkvæmt
lögum leyfi til að fela heilbrigðis-
starfsmönnum að vinna svona
verk. Ganga þarf þó úr skugga um
að ákveðnu verklagi sé sinnt. „Hvort
verklagið var eins og það á að vera,
það veit ég ekki,“ segir Valgerður.
Hún segir eðlilegar og málefna-
legar skýringar á fjölda símavið-
talanna sem rukkað var fyrir. Engir
starfsmenn hafi hagnast á símavið-
tölunum og það sé eðlilegt að fjöldi
viðtala hafi stóraukist þegar með-
ferð sem áður gekk út á hópastarf
snerist upp í einstaklingsþjónustu.
„Við erum boðin og búin til að
fara betur yfir þetta með Sjúkra-
tryggingum en við bjuggum ekki
til aukakostnað fyrir ríkið. Ég er
mjög hissa á að þetta mál sé komið
til héraðssaksóknara.“ n
Alda Sigurðardóttir, stjórn-
endaþjálfi og eigandi Vendum
og Fræðslu, segir að erlend
fyrirtæki séu víða farin að
nota fyrirbyggjandi aðferðir
til þess að koma í veg fyrir
að stjórnendur sýni af sér
ósæmilega hegðun.
elinhirst@frettabladid.is
STJÓRNUN Alda Sigurðardóttir
stjórnendaþjálfi var gestur í Mark-
aðnum á Hringbraut í gær. Þar var
meðal annars rætt um þau hneyksl-
ismál sem skekið hafa íslenskan
viðskiptaheim þar sem háttsettir
menn hafa verið vændir um að hafa
farið yfir kynferðisleg mörk í sam-
skiptum sínum við aðra.
„Ég fór í þjálfun hjá konu sem
heitir Laura Crawshaw og er doktor
í sálfræði og hefur sérhæft sig í því
sem kallast „abrasive leaders“ eða
hrjúfir leiðtogar, ekki ljúfir heldur
hrjúfir, og eru gerendur í eineltis-
málum og kynferðismálum,“ segir
Alda. „Ég er ekki að gera út á þessi
mál í minni stjórnendaþjálfun en
hef leitað mér þekkingar til þess að
hafa betri skilning á þessu.
Dr. Laura Crawshaw var með
vinnustofu hér í Reykjavík í sam-
vinnu við fyrirtæki mitt þar sem
notuð var ákveðin aðferðafræði.
Fólk kom alls staðar að á þessa
vinnustofu. Þarna voru meðal ann-
ars mættir stjórnendur úr einni
stærstu alþjóðastofnun heims,
þarna var líka stjórnandi úr skóla-
kerfinu í Skotlandi og stjórnandi úr
einum stærsta fjárfestingarbanka
Ameríku. Allir voru að sækja sér
þekkingu á hvernig eigi að takast
á við þetta vandamál, það er bæði
stórt og raunverulegt,“ segir Alda.
Hún segir að mörg amerísk fyrir-
tæki séu að meðhöndla þessi mál
mjög vel. Þau byrji á því að innræta
ákveðna menningu strax í atvinnu-
viðtalinu. Þar er fyrirtækjamenn-
ingin útskýrð og farið yfir ýmis
atriði sem flest okkar myndu segja
að væru almenn skynsemi, svo sem
að bjóða góðan daginn, en einnig
hvaða hegðun sé ekki umborin og
að fyrirtækin hiki ekki við að segja
fólki upp sem sýni slíka ósæmilega
hegðun.
Alda segir að þannig sé hægt að
skapa fælingarmátt strax í upphafi.
Einnig sé fólk þjálfað í samskiptum
til þess að það sé betur í stakk búið
til að meta hvað má og hvað ekki og
hvaða afleiðingar slík hegðun hefur.
Einnig sé mikilvægt að efla hæfni
stjórnenda í að stöðva svona mál í
fæðingu.
„Um leið og maður verður var við
eitthvað sem passar ekki, einhver
skot á náungann eða niðurlægingu
á fundum, þá þarf að hafa hugrekki
til þess sem stjórnandi að stoppa
það strax,“ segir Alda Sigurðardóttir
stjórnendaþjálfi. n
Hrjúfir stjórnendur reynast oft
vera gerendur kynferðisbrota
Allir voru að sækja sér
þekkingu á hvernig
eigi að takast á við
þetta vandamál, það er
bæði stórt og raunveru-
legt.
Alda Sigurðardóttir, stjórnenda-
þjálfi
Auður Önnu
Magnúsdóttir,
framkvæmda-
stjóri Land-
verndar
gar@frettabladid.is
UMHVERFISMÁL Auður Önnu Magn-
úsdóttir, framkvæmdastjóri Land-
verndar, segir það ekki standast sem
Guðmundur Ingi Guðbrandsson,
fyrrverandi umhverfisráðherra,
sagði í Fréttablaðinu í gær, að boð-
aðar breytingar á lögum væru rétt
viðbrögð við úrskurði ESA um ólög-
mæta starfshætti stjórnvalda hér.
Auður segir áfram gert ráð fyrir
að hægt verði að gefa út bráða-
birgðaleyfi án gilds umhverfismats.
„ESA hefur sagt að þetta sé brot
á EES-reglum um umhverfismat og
kemur því ekki til móts við athuga-
semdir ESA. Samkvæmt lýsingu í
samráðsgátt á frumvarpsdrögunum
verða það stofnanir en ekki ráð-
herrar sem veita bráðabirgðaleyfin
og því opnast möguleiki til þess að
kæra veitingu þeirra til ráðherra,“
segir Auður. Verði breytingin svipuð
og rædd var 2020 verði heimild til
veitinga bráðabirgðaleyfa felld inn
í lög um umhverfismat.
„Það væri stórt skref aftur á bak
því þá myndu bráðabirgðaleyfi án
umhverfismats ná til mun f leiri
aðgerða sem hafa neikvæð áhrif
á náttúru Íslands. Án aðgangs að
skjölunum er erfitt að segja hver
áhrifin af þessu verða nákvæmlega
en það er alveg ljóst að það er ekki
í samræmi við niðurstöðu ESA að
veita megi bráðabirgðaleyfi án gilds
umhverfismats.“ n
Segir skýringar
ekki standast
Stjórnenda-
þjálfun er gott
tæki til þess
að koma í veg
fyrir ósæmi-
lega hegðun á
vinnustað eða
af hálfu stjórn-
enda.
FRÉTTABLAÐIÐ/
GETTY
6 Fréttir 20. janúar 2022 FIMMTUDAGURFRÉTTABLAÐIÐ