Fréttablaðið - 20.01.2022, Blaðsíða 55

Verkís leggur
mikla áherslu á
umhverfi og sjálfbærni í
sínu starfi og hvetur fólk
til að gera slíkt hið sama .
Elín Greta mannauðsstjóri
hjá Verkís segir fyrirtækið
fjölskylduvænan vinnustað
með frábæru starfsfólki sem
ber virðingu og umhyggju
hvert fyrir öðru. Það hafi
komið vel í ljós á Covid
tímum.
Verkís er 330 manna verkfræði-
stofa með höfuðstöðvar í Ofanleiti
í Reykjavík. Fyrirtækið er einnig
með 12 starfsstöðvar víðs vegar
um landið.
Elín Greta hefur unnið hjá Verkís
eða forverum þess í 20 ár og þar af
17 ár sem mannauðsstjóri.
„Ég er enn í námi þegar ég fæ
tækifærið til að taka þetta starf
að mér en ég var fyrst til að gegna
starfi mannauðsstjóra hjá fyrir-
tækinu. Ég fékk frábæran stuðning
og umboð til athafna hjá stjórn-
endum til að móta stefnu fyrir-
tækisins í mannauðsmálum og
slíkt er er ómetanlegt þegar maður
er að feta sín fyrstu skref í starfi,“
segir Elín Greta.
„Verkís hefur alla tíð verið
umhugað um að starfsfólk hafi
góðan sveigjanleika í sinni vinnu
og að það ríki gott traust á milli
aðila, það er ávinningur bæði fyrir
fyrirtækið og starfsfólkið að fólk
geti stýrt sinni vinnu og náð góðri
samræmingu við fjölskyldu- og
einkalíf.
Við erum með sveigjanlegan
vinnutíma og bjóðum upp á fjar-
vinnusamninga fyrir þau störf sem
það geta. Fjarvinnan á Covid-tím-
um hefur sýnt okkur enn betur að
við getum stækkað okkar markað
til muna við að ná í sérhæft starfs-
fólk víðs vegar – tækifærin eru ekki
bara til staðar ef þú býrð á höfuð-
borgarsvæðinu.“
Elín Greta segir Verkís leggja
mikla áherslu á umhverfi og sjálf-
bærni í öllu sínu starfi og er starfs-
fólk hvatt til að gera slíkt hið sama.
„Við bjóðum upp á samgöngu-
styrk fyrir þá sem vilja nýta sér
vistvæna samgöngumáta og erum
með góða búninga- og sturtuað-
stöðu fyrir þá sem koma hjólandi
eða gangandi - og að sjálfsögðu
byggðum við glæsilegt rými úti
á lóð sem við köllum því lítilláta
nafni „hjólahöllin“ þar sem starfs-
fólk getur geymt hjólin sín,“ segir
Elín Greta og hlær.
Elín Greta segir að starfsfólk
geti einnig fengið lánað bæði raf-
magnshjól til að prófa heima fyrir
og að rafmagnsbílar séu til taks
fyrir þá sem þurfa að fara á milli
staða á vinnutíma.
„Staðsetningin okkar er alveg
frábær í Ofanleitinu en það er mjög
miðsvæðis og ýtir undir að fólk
komi með vistvænum hætti til
vinnu.“ n
Umhugað um sveigjanleika og traust í starfi
Elín Greta Stef-
ánsdóttir segir
staðsetningu
fyrirtækisins
í Ofanleiti
frábæra og að
hún ýti undir
vistvænan sam-
göngumáta.
FRÉTTABLAÐIÐ/
VALLI
Erla Guðrún Hafsteinsdóttir
er mengunarsérfræðingur
hjá Verkís. Hennar helstu
verkefni eru rannsóknir á
jarðvegi til dæmis þar sem
breyta á iðnaðarsvæðum í
íbúðasvæði.
Erla er doktor í umhverfis- og jarð-
efnafræði frá Macquarie-háskóla í
Sydney, Ástralíu. Í náminu skoðaði
hún mengun á Suðurskautinu og
vann í framhaldi af því sem ráðgjafi
í Ástralíu. Hún flutti svo til Íslands
árið 2019 og hóf störf hjá Verkís.
„Verkís er góður staður til að
vinna á og mikill stuðningur
við starfsfólkið. Það er hlustað á
starfsfólkið þegar það kemur með
nýjar hugmyndir og leggur til nýjar
aðferðir. Eins leggur fyrirtækið
áherslu á að við finnum jafnvægi á
milli vinnu og heimilis,“ segir hún
„Helstu verkefnin mín hjá Verkís
eru rannsóknir á jarðvegi. Við
höfum meðal annars verið gera
mengunarrannsóknir á iðnaðar-
svæðum sem á að breyta í íbúða-
svæði,“ segir Erla.
„Núna erum við að vinna í
úrbótaframkvæmdum á Hofsósi
en þar varð olíuleki. Þar er enn
mengun til staðar sem við erum að
hreinsa,“ útskýrir hún.
Auk jarðvegsrannsókna sinnir
Erla meðal annars grunnvatns-
vöktunum fyrir Isavia í Keflavík og
kemur inn í verkefni sem tilheyra
BREEAM vottun.
„BREEAM er bresk vottun sem
snýr að sjálfbærni og umhverfis-
vottun fyrir hverfi. Ég kem inn
í verkefnið að því leyti að það
er skyldukrafa að meta meng-
unarstöðu landsvæðis, og eiga
niðurstöður matsins að hafa áhrif á
hvernig skipulagi svæðisins er hátt-
að. Vottunin hvetur til uppbygg-
ingar á röskuðum landsvæðum
en ekki að byggt sé á óröskuðum
svæðum,“ upplýsir hún.
Starf Erlu er fjölbreytt og mikið
um ferðalög á milli landshluta.
„Það eru mörg verkefni sem snúa
að svæðum þar sem bandaríski
herinn hefur verið og skilið eftir
sig umhverfisspor. Við tökum jarð-
vegs- og vatnssýni til að átta okkur
á magni og útbreiðslu mengunar-
innar,“ segir hún.
Erla telur það vera mjög mikil-
vægt að mengunarrannsóknir og
öll mengunarvinna sé unnin á sem
sjálfbærastan hátt, „því við viljum
ekki auka mengun með okkar
aðferðum.“
„Ég legg mikið upp úr því, þegar
við erum að finna leiðir í hreins-
unarverkefnum, að hægt sé að gera
það á staðnum á sem sjálfbærastan
hátt. Þegar mengun finnst er ekki
endilega fýsilegast að hún sé bara
mokuð upp og send í urðun. Þá fer
mengunin ekki neitt heldur er hún
flutt á annan stað í vörubílum með
mikið kolefnisspor og mögulegri
hættu á að hún dreifist á leiðinni. “
Á Íslandi er ekki mikið af meng-
unarsérfræðingum miðað við það
sem Erla þekkir frá öðrum löndum.
„Ég hef tekið eftir því að íslenskar
reglugerðir og leiðbeiningar um
aðferðafræði mengunarrannsókna
er ábótavant. En ég bind vonir við
að þetta fari í betri farveg á næst-
unni og að mengunarrannsóknir
verði framkvæmdar fyrr í ferlinu í
skipulagsmálunum. Ég hef mikinn
áhuga á að taka þátt í þessum
breytingum.“ n
Mengunarrannsóknir þurfa að vera snemma í ferlinu
Erla Guðrún Hafsteinsdóttir mengunarsérfræðingur leggur mikið upp úr því
að hreinsunarverkefni séu unnin á sjálfbæran hátt. FRÉTTABLAÐIÐ/SIGTRYGGUR
Verkfræðistofan Verkís
fagnar 90 ára afmæli sínu
í ár. Þrátt fyrir langa hefð
eru það aðkallandi verkefni
nútímans sem halda fólki
uppteknu.
„Allt frá upphafi hefur Verkís tekið
virkan þátt í uppbyggingu sam-
félagsins og í dag gerum við það
með sjálfbærni að leiðarljósi,“ segir
Guðrún Dröfn Gunnarsdóttir bygg-
ingarverkfræðingur, nýr sviðsstjóri
Samgöngu- og umhverfissviðs
Verkís.
Á sviðinu starfa yfir 80 manns
með margvíslegan bakgrunn og
reynslu svo sem verk- og tækni-
fræðingar, náttúrufræðingar, lands-
lagsarkitektar, skipulagsfræðingar
og tækniteiknarar. Viðfangsefni
sviðsins eru gríðarlega fjölbreytt og
hafa áhrif á allt samfélagið. „Ráð-
gjafar okkar starfa að ótal spenn-
andi verkefnum“ segir Guðrún og
nefnir sem dæmi stórar samgöngu-
framkvæmdir sem til stendur að
fara í á næstu árum á höfuðborgar-
svæðinu þar sem lögð er áhersla á
fjölbreyttan ferðamáta. Hún nefnir
einnig ýmis önnur stór verkefni
svo sem endurnýjun veitukerfa,
framkvæmdir á Keflavíkurflugvelli
vegna fjölgunar ferðamanna, orku-
skipti framtíðarinnar, blágrænar
ofanvatnslausnir, vistvottanir
framkvæmda og lífsferilsgreiningar
fyrir ýmiss konar starfsemi.
Guðrún hóf störf hjá Verkfræði-
stofu Sigurðar Thoroddsen, forvera
Verkís, í ársbyrjun 2000 og hafa
verkefni hennar alltaf verið mjög
fjölbreytt þó að í byrjun hafi þau að
mestu tengst samgöngumálum.
„Verkís er verkefnadrifið fyrir-
tæki sem veitir ráðgjöf sem spannar
allar þarfir framkvæmdaaðila frá
fyrstu hugmynd til loka fjárfesting-
arverkefna. Fjölbreyttir möguleikar
eru á að þróast í starfi eftir áhuga
hvers og eins. Til að byrja með
sérhæfði ég mig sem ráðgjafi í sam-
gönguverkefnum en smátt og smátt
varð stjórnun verkefna stærri hluti
af starfinu. Árið 2013 fór ég í starf
rekstrarstjóra á Byggingasviði og í
sumar tók ég við sem sviðsstjóri á
Samgöngu- og umhverfissviði.“
Guðrún segir loftslagsvandann
vera stærstu áskorun samtímans
og að stjórnendum fyrirtækja
beri skylda til að leggja áherslu á
sjálfbærni í allri sinni starfsemi.
Mikilvægt sé að stjórnendur skapi
umhverfi og frjóan jarðveg þar
sem fólk er hvatt til að koma með
hugmyndir og ögra viðteknum
aðferðum „því einungis þannig
getum við vænst þess að þróa þær
lausnir sem við þörfnumst til að
leysa vandamálin sem við stöndum
frammi fyrir.“ n
Með sjálfbærni að leiðarljósi
Guðrún Dröfn Gunnarsdóttir segir mikilvægt að stjórnendur skapi umhverfi
sem hvetur starfsfólk til að koma með nýjar hugmyndir. FRÉTTABLADID/VALLI
kynningarblað 35FIMMTUDAGUR 20. janúar 2022 FÉLAG KVENNA Í ATVINNULÍFINU