Fréttablaðið - 20.01.2022, Blaðsíða 12

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Sigmundur Ernir Rúnarsson ser@frettabladid.is,
FRÉTTASTJÓRAR: Aðalheiður Ámundadóttir adalheidur@frettabladid.is Ari Brynjólfsson arib@frettabladid.is, Garðar Örn Úlfarsson gar@frettabladid.is VEFSTJÓRI: Einar Þór Sigurðsson einarthor@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún
Bergþórsdóttir kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Fimm
prósenta
árleg leiga
af auð-
lindinni,
jafngildi 60
milljarða,
þykir
skattpín-
ing í tilviki
auðugustu
lands-
manna.
Börn eru
eðlilega
sérstaklega
viðkvæm
fyrir nei-
kvæðum
áhrifum
bælingar-
meðferða.
Sigmundur Ernir
Rúnarsson
ser
@frettabladid.is
Í sérstökum kafla íslenskra hegningarlaga er fjallað
um brot gegn frjálsræði manna og viðurlög við slíkum
brotum. Listinn er langur en ekki tæmandi, enda virð-
ist hugmyndafluginu lítil takmörk sett þegar kemur að
því að ganga á frelsi annarra. Eitt af því sem hegningar-
lögin ná ekki til eru svokallaðar bælingarmeðferðir á
hinsegin fólki. Þar horfir nú vonandi til betri vegar, þar
sem ég hef lagt fram á þingi frumvarp til að gera refsi-
vert að neyða einstakling til að undirgangast meðferð
í þeim tilgangi að bæla eða breyta kynhneigð sinni,
kynvitund eða kyntjáningu. Breytingin leggur einnig
bann við slíkum meðferðum á börnum, hvort sem þær
eru framkvæmdar hér á landi eða barnið flutt úr landi
í þeim tilgangi, og við því að framkvæma eða hvetja,
með beinum eða óbeinum hætti, til slíkra meðferða.
Bælingarmeðferðir hafa víða verið framkvæmdar til
þess að „lækna“ náttúrulega kynhneigð eða kynvitund
fólks. Í slíkum meðferðum er samtali gjarnan beitt til
þess að tengja upplifun þolandans á kynhneigð, kyn-
vitund eða kyntjáningu sinni við sársauka og skömm.
Í grófari tilvikum hefur þolandinn einnig verið látinn
undirgangast inngripsmeiri meðferðir. Þessar með-
ferðir eru ekki studdar af vísindum, þær eru siðferðilega
rangar og hafa oftar en ekki verulega neikvæð óaftur-
kræf áhrif á andlega og líkamlega heilsu fólks. Börn
eru eðlilega sérstaklega viðkvæm fyrir neikvæðum
áhrifum bælingarmeðferða.
Það er því sannarlega ekki að ástæðulausu að bæl-
ingarmeðferðir hafa víða um heim verið bannaðar með
lögum að viðlagðri refsingu. Enn víðar er nú í gangi
vinna við að fylgja þeim fordæmum. Á alþjóðavett-
vangi hefur Ísland ítrekað lýst yfir andstöðu við slíkar
meðferðir, t.d. á fundi mannréttindaráðs Sameinuðu
þjóðanna sumarið 2020, þar sem fjallað var um skýrslu
ráðsins um alvarlegar afleiðingar bælingarmeðferða á
hinsegin fólki. Það er tímabært að stíga skrefið til fulls,
færa okkur til nútímans og festa í lög hér bann við svo
skelfilegri aðför að frelsi og heilsu hinsegin fólks. ■
Tímabært að setja bann
við bælingarmeðferðum
Hanna Katrín
Friðriksson 
þingflokksfor-
maður Viðreisnar 
Endurnýjuð ríkisstjórn Katrínar Jakobs-
dóttur verður kyrrstöðustjórn, enn
sem fyrr, af ástæðum sem rekja má til
eðlilegra átaka milli þeirra ólíku stjórn-
málaflokka sem mynda hana, en einnig
vegna einsleitni þeirra, því það sem sameinar þá
er aðdáun á óbreyttu kerfi.
Þess vegna verður ekki hróflað við krónunni á
næstu árum, hversu illa sem hún leikur heimili
og fyrirtæki landsmanna, en hún er völd að
mestu álögum Íslandssögunnar: skattar á ein-
staklinga árið 2019 námu 190 milljörðum, en
krónuskatturinn það sama ár var 180 milljarðar.
Þess vegna verður engu breytt sem truflað
getur fokríka kvótakónga. Markaðsleiðin er sem
fyrr eitur í beinum stjórnarherranna, enda þótt
hún hafi almannahag í huga. Fimm prósenta
árleg leiga af auðlindinni, jafngildi 60 milljarða,
þykir skattpíning í tilviki auðugustu lands-
manna.
Þess vegna verður áfram rekin fátæktarstefna í
landbúnaði, sem er auðmýkjandi fyrir sauðfjár-
bændur um allt land. Og enn síður verður græn-
metisbændum rétt hjálparhönd með afslætti á
rafmagni, sem áfram verður aðeins í boði fyrir
erlenda auðhringi sem reka hér álver.
Þess vegna verða hugmyndir um þjóðgarða
á hálendi landsins látnar niður falla, milli þess
sem áfram verður beitt afturvirkum reglugerð-
um til að lauma fiskeldi inn í þrönga firði, af því
umhverfið er atvinnulífinu óæðra, sama hvaða
stjórnarflokkur stýrir viðkomandi ráðuneyti.
Þess vegna mun ríkisstarfsmönnum fjölga
hratt, einmitt því fólki sem leiðir launaþróun og
gerir fyrirtækjum á almennum vinnumarkaði
erfiðara um vik að ná endum saman. Og áfram
verður hlutfall ríkisfyrirtækja í atvinnulífi
miklum mun hærra á Íslandi en í löndunum í
kring.
Þess vegna verður engu breytt varðandi
starfsemi Ríkisútvarpsins, sem veður uppi á
íslenskum fjölmiðlamarkaði, með belti sín og
axlabönd, og grefur undan starfsemi einkarek-
inna fjölmiðla, sem fyrr deyja drottni sínum en
að stjórnarherrarnir breyti þar nokkrum hlut.
Þess vegna verður stjórnarskrármálið áfram
drepið í dróma og sjálfsögðum bótum á æðstu
lögum landsins slegið á frest, einmitt af hræðslu
við að þjóðin hafi eitthvað um það að segja, en
það er stjórnarflokkunum kærkomið að hafa
auðlindaákvæðið áfram opið og sveigjanlegt.
En líklega er þetta eðlilegt ástand. Ríkis-
stjórnarflokkarnir eru ekki einir hræddir við
breytingar, almenningi til hagsældar og aukinna
réttinda. Það er nefnilega almenningur sem kýs
þessa flokka í ríkari mæli en önnur öfl. Hann vill
kyrrstöðu. Og hann fær kyrrstöðu. ■
Kyrrstöðustjórn
Sími: 561 1433
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
• Austurströnd 14
• Hringbraut 35
PREN
TU
N
.IS
NÝBAKAÐ
BRAUÐ
ALLA DAGA
.......................................
www.bjornsbakari.is
ari@frettabladid.is
Hrollur
Auðvitað fer hrollur um Þórólf
Guðnason sóttvarnalækni
landsmanna þessa dagana þegar
heilu þotunum er stefnt til Ung-
verjalands í handboltaveisluna
sem þar er nú haldin, í langtum
innan við eins sentimetra fjar-
lægð fólks hverju frá öðru. En
fréttir berast nú einmitt af því
að hundruð landsmanna séu
að pakka ofan í töskur sínar til
að yfirfylla áhorfendapallana í
Búdapest þar sem íslenska lands-
liðið mun leika hvern sigurleik-
inn af öðrum, allt til enda, og
taka dolluna á endanum. Og þar
verður nú heldur betur faðmast
og frussað yfir mann og annan.
Snerting
Allt minnir þetta auðvitað á þá
ríku staðreynd að handbolti
er einhver erfiðasta íþrótt sem
hægt er að leika á tímum ofboðs-
legra sóttvarna og fjarlægðar-
takmarkana. Það hefur enda
stundum verið haft á orði að
munurinn á körfubolta og hand-
bolta sé giska skýr: Körfubolti sé
íþrótt án snertingar, en hand-
bolti sé snerting án íþróttar.
Og svo áfram sé gantast í þessa
veru þá er seinni bylgjan mikið
tekin í handboltanum – og
þykir mikilvæg til sigurs. Og svo
verður einnig á landamærunum
í Keflavík þegar mannskapurinn
kemur allur heim að lokum, það
verður sko alvöru bylgja. ■
SKOÐUN FRÉTTABLAÐIÐ 20. janúar 2022 FIMMTUDAGUR