Heilbrigt líf - 01.06.1947, Page 7
SIG. SIGURÐSSON,
berklayf irlæknir:
ALLSHERJAR RÖNTGENSKOÐUNIN Á
BORGARBÚUM I REYKJAVÍK
ÁRIÐ 1945
LOKASKÝRSLA
Það er kunnara en frá þurfi að segja, að berklaveiki
hefur verið algeng hér á landi síðasta mannsaldurinn.
Ýmislegar ráðstafanir hafa því verið gerðar til þess að
hefta útbreiðslu sjúkdómsins. Mikilsverð var lagasetningin
1921, þegar berklasjúklingum var tryggð ókeypis vist á
hælum og í sjúkrahúsum, á kostnað ríkissjóðs. Árið 1935
voru gerðar umbætur á berklalögunum, þar sem einkum
var lögð áherzla á að leita uppi alla berklaveika, sem hætta
stafar af. í því skyni var komið upp heilsuverndar-
stöðvum í kaupstöðum, en farið með ferðaröntgentæki
um strjálbýl læknishéruð til rannsókna, að jafnaði í sam-
ráði við héraðslækna. 1 upphafi voru aðeins gerðar hóp-
skoðanir sérstakra atvinnuflokka, eða þar sem talin var
mest sýkingarhætta, ef svo bar undir. En brátt urðu
rannsóknirnar það víðtækar, að ráðizt var sums staðar
í heildarskoðanir allra héraðsbúa.
Berklavarnirnar voru nú komnar inn á nýjar brautir
og þótti því nauðsyn bera til að tryggja þá starfsemi með
endurskoðun berklalaganna árið 1939. En skv. 6. gr. þeirra
laga er berklavarnarstöðvum og héraðslæknum nú heimilað
að leita aðstoðar lögreglunnar, sé þess þörf vegna mót-
þróa, til læknisskoðunar á einstaklingum, ef grunsamt
þykir, að af þeim stafi sýkingarhætta. Ennfremur er
Heilbrigt líf
5