Heilbrigt líf - 01.06.1947, Síða 84

auðmýkt fyrir guðdóminum. Læknirinn skal ræsta vandlega líkama
sinn, klæðast vel og þrifalega, því leikmenn líta svo á, að eigi sé
sá vel hæfur til þess að sjá öðrum fyrir heilsu, sem hirðulítill er
um sjálfan sig. Læknirinn skal stunda ráðvendni og lýtalaust
líferni. Þetta eru meiri kröfur en gerðar eru nú á tímum til manna
í vandasömum trúnaðarstöðum á íslandi.
Loks segir Hippokrates: Ef svo her við, að fátækur útlendingur
leitar til læknis, þá skal láta honum í té alla þá hjálp, sem auðið
er, því að hver sá, er bróðurhug ber í brjósti, hlýtur að vera elskur
að læknislistinni og læknisstarfinu.
Hér að framan hafa menn séð sýnishorn af siðferðiskröfum í
heiðnum dómi, þrem öldum f. Kr. Það hefði ekki verið úrskeiðis
fyrir íslenzku prófastana að íhuga þennan siðalærdóm, er þeir
þinguðu á s. 1. hausti og sömdu yfirlýsing sína um, að vart væri á
annað treystandi en kristindóminn.
f spakmælum sínum segir Hippokrates á einum stað: Listin er
langæ, en lífið stutt. Þarna er fáorð en vitur áminning um að nota
vel ævistundir sínar.
Um brjósttæringu segir faðir læknislistarinnar: Venjulega brýzt
tæring út frá 18 ára aldri til hálffertugs. Þetta er skoðun berkla-
lækna enn í dag. 0g allsherjar berklaskoðun, sem nú fer fram hjá
Dönum, er bundin við þennan aldur, vegna þess að ástæður leyfa
ekki að rannsóknin taki til allra, eins og heildarskoðunin í Reykja-
vík gerði.
A einum stað eru eftirfarandi ráðleggingar: „Þeir sem venja
sig á heilsusamlegar göngur eftir máltíðir, fá heilbrigt yfirbragð
og allar hreyfingar vei'ða mjúkar og frískar, en hægðir sjaldnar
en þéttar í sér. Sá, sem hreyfir sig lítt að snæðingi loknum, fær
ropa og uppþembu, hann safnar kvapi og svitnar við hverja áreynslu
sem er; ennfremur sækir á hann mæði og slen, en hægðir verða
miklar og hlessingslegar. Sá, er um hvorugt hirðir: hæfilegt át né
hæfilega hreyfingu, verður enn seinlátari og þyngslalegri .. . Sá,
er einar samfarir á í senn með konu, lifnar við það og hressist, en
hinn, er ekkert hóf kann sér í hvílubrögðum, verður fölur og tekinn,
úttaugaður og dáðlaus .. .“.
Sums staðar eru prýðilegar sjúkdómslýsingar. T. d. verður hettu-
sótt með fylgikvillum hennar vart betur lýst en hjá Hippokratesi.
Með allri virðingu fyrir vísindalegum afrekum og tækni nútímans,
verður að viðurkennast, að menn eru ekki vitrari nú en þeir voru
fyrir 2 þúsund árum. Og siðferðishugmyndirnar eru vart fullkomnari.
82
Heilbrigt líf