Heilbrigt líf - 01.06.1947, Side 8
nú héraðslæknum, skv. 7. gr. téðra laga, heimilt að kæra
skeytingarlausa berklasjúklinga til yfirvaldanna, ef þeir
hafa fyrirmæli læknanna um sjúkdóm sinn að engu. Má
þá vista menn í hælum eða sjúkrahúsum, þótt þeim sé
það nauðugt, enda verði samþykki lögreglunnar að koma
til, þegar þeir eru brautskráðir.
Læknishéruðin eru alls 50 talsins. Á næstu árum fóru
fram hópskoðanir í öllum nema tveimur, og heildarskoðanir
í 11 læknishéruðum. En fyrri hluta ársins 19í5 var svo
rádist í allsherjarskoðun í höfuðstaðmim, eins og áður
hefur verið vikið að í „Heilbrigðu lífi“. Skyldi rannsóknin
ná til allra bæjarbúa.
Samkvæmt manntali voru bæjarbúar í Reykjavík 45,842
í árslok 1944; það eru 34,7% allra landsmanna. Berkla-
yfirlæknir hafði með höndum undirbúning þessara víðtæku
rannsókna og skipulag þeirra, ásamt sérfræðingunum dr.
Óla Hjaltested og Ólafi Geirssyni, er voru starfandi
læknar við heilsuverndarstöðina í Reykjavík.
Heildarskoðunin hófst í janúarmánuði með húð-
prófi á barnaskólabörnunum; en þau voru nálægt 5000.
Læknar og hjúkrunarkonur gerðu húðpróf (Volmers
plástur) og útkoman var athuguð að 4 sólarhringum liðn-
um. Stundum þurfti að endurtaka rannsóknina, ef útkoman
þótti vafasöm. — Eldri nemendur í skólum bæjarins, á
13-20 ára aldri, voru líka prófaðir með túberkúlini, en
þannig, að því var dælt í hörundið (Mantoux-próf). Allir,
sem jákvæðir reyndust, voru röntgenmyndaðir.
Röntgenskoðun bæjarbúa fór fram í Landspítalanum,
röntgendeildinni, þar sem dr. G. Claessen er yfirlæknir.
Teknar voru svonefndar skyggnimyndir, sem eru Ijós-
myndir af röntgenlýsing lungnanna (stærðin 4X5 þuml.,
10,2X12,7 cm.).
Röntgendeildin hafði árinu áður eignazt mjög full-
komnar amerískar röntgenvélar (firma: General Electric
6
Heilbrigt líf