Heilbrigt líf - 01.06.1947, Page 24

berst út í vinnusalinn. Þarf þá samtímis að sjá fyrir nægu
aðstreymi af hreinu lofti.
Sjá verður fyrir, að loft það, sem blásið er inn, sé vel
hreint og undir vissum kringumstæðum hæfilega þurrt eða
rakt. Helzt þarf það að vera upphitað, einkum ef loft-
breytingin er ör, 4 sinnum eða oftar á klst., og einnig
þarf að dreifa hinu innblásna lofti vel, svo að ekki verði
dragsúgur. Allt þetta má gera á marga vegu, og yrði of
langt mál að ræða það hér.
1 Reykjavík eru engar ákveðnar kröfur gerðar til
loftræstingar í nýjum húsum, nema að á hverju íbúðar-
herbergi og eldhúsi skuli á útvegg vera gluggi, sem má
opna. Að öðru leyti er krafist „nægilegrar“ eða „hæfi-
legrar“ loftræstingar. Ofnakynding og lofthreinsun sú,
er henni fylgdi, er horfin úr sögunni, loftgöt eru næstum
óþekkt fyrirbrigði hér, og loftrennur, sem áður þóttu
sjálfsagðar í húsum, hafa í mörg ár að kalla má ekki
sést í nýjum byggingum. Opnanlegir gluggar, sem einir
eiga að sjá um loftrásina, verða minni og minni, svo að
nú sjást víða, jafnvel á stórum íbúðarherbergjum, aðeins
smá-gluggarifur, sem hægt er að opna. Þetta er því meira
áberandi, sem gluggarnir (með föstum rúðum) verða
stærri og stærri. í vinnustofum, veitingasölum og sam-
komuhúsum er loftræsting einnig oft mjög ábótavant,
stundum svo að undrum sætir.
Hér þarf breytinga við. Krefjast verður, að opnanlegir
gluggar á íbúðarherbergjum og eldhúsum séu aldrei undir
ákveðinni stærð, t. d. % m2, að þeir sitji hæfilega hátt á vegg
og að þeir séu þannig útbúnir, að þeir geti staðið opnir,
mikið eða lítið. Þar sem loftrými er gott, getur slík loft-
ræsting verið nægileg, sé hún rétt notuð. Skortir þó enn
á hjá miklum þorra manna, að gluggaloftræsting sé notuð
eins og skyldi. Til þess að sjá fyrir stöðugri, hægfara
22
Heilbrigt líf