Heilbrigt líf - 01.06.1947, Síða 67

verðustu hugmyndum læknisfræðinnar. Enska þingið veitti
honum 10 þúsund sterlingspunda verðlaun árið 1804 og
enn 20 þús. pund nokkrum árum síðar. Það var laglegur
skildingur í þá daga. Til gamans má nefna, að hin merka
og mjög virta stofnun „College of Physicians" tók ekki dr.
Jenner í félagatölu vegna þess að hann færðist undan að
ganga undir próf í forntungunum — latínu og grísku!
Á íslandi var bólusetning tekin upp árið 1802.
Háskóli í Björgvin
Norðmenn hafa eignazt nýj an háskóla til viðbótar þeim,
er þeir eiga í Osló. Þann 2. september 1946 var farið að
taka á móti fyrstu 500 stúdentunum í B e r g e n s
Museum, en þeirri stofnun verður breytt í háskóla
og reistar þar ýmislegar nauðsynlegar byggingar. Stór-
þingið er þó ekki búið að setja endanlega lögin um
Björgvinjar-háskólann. En búist er við, að á næsta vori
verði sú lagasetning komin í kring, og er ráðgert, að þá
fari fram hátíðleg vígsla hins nýja háskóla Norðmanna.
Háskóli íslands reis upp af samsteypu lækna-, laga- og
prestaskóla. Það er líkt á komið í Björgvin; nýi háskólinn
þar er framhald af tveim merkum stofnunum, sem sé
Bergens Museum og Haukeland sykehus. Það var fátæk-
legra um að litast í Reykjavík, þegar Háskóli Islands var
settur á laggir, því að vart var annað til þá en sumt af
kennaraliði. Ekki neitt húsnæði, lélegur bókakostur og
engar vísindalegar rannsóknastofur, né fullkomið sjúkra-
hús.
Björgvin var ekki við því búin að taka á móti stúdentum
hundruðum saman, enda húsnæðisekla þar sem annars
staðar. Það var ráðið fram úr þeim vandræðum með því
að fá stúdentunum gistingu í hermannabröggum, sem
voru dubbaðir eitthvað upp. Þær vistarverur eru víðar
notaðar sem húsaskjól en í Reykjavík.
Læknadeild Björgvinjar-háskólans mun styðjast við
Haukeland sykehus, sem ýmsir íslenzkir læknar kannast
Heilbrigt líf — 5
65