Goðasteinn - 01.03.1968, Page 11

febrúarlok. Fýllinn var veiddur í háf og þá setið á sillum í berg-
inu, er nefndust setur. Ekki var það fyrir lofthrædda eða mjög
kulvísa að stunda þær veiðar, því að ekki var sillan alltaf breið,
er á var setið, og allhátt niður að líta. Kaldsamt hefur það einn-
ig verið að sitja í fjalli allan daginn um hávetur. Mest voru
vetrarveiðar stundaðar í Reynishverfi og í Vík, því að ekki mátti
veiða fýl að vetri, nema í björgum nærri sjó. Væri hann veidd-
ur í fýlabyggðum inn til landsins, fækkaði fýl mjög á því svæði,
sem sýndi að þar héldu sig ekki aðrir en hcimafuglar. Þótti það
óhæfa að stuðla að fækkun slíkra nytjafugla. Vetrarfýllinn eða
háffýllinn eins og hann var nefndur var mjög góður matur, en
honum fylgdi sá ókostur að hann var talinn þurfa um þriggja
klukkustunda suðu. Það var ekki ætíð heppilegt síðari hluta
vetrar, er lítið fór að verða um eldivið. Þegar bætt afkoma tók
að gera auðveldara um mataröflun og fólki fór að fækka veru-
lega í sveitinni, lagðist háfveiðin niður eins og ýmsir aðrir þætt-
ir búskaparins og er nú aðeins minning í hugum okkar, sem
farnir erum að reskjast. Allmikið var veitt af lunda í háf bæði í
Vík og Reynishverfi og nokkuð í Dyrhólaey. Er sú veiði ekki
enn að fullu lögð niður, en lítið er nú veitt á móti því sem áður
var.
Ekki var um mikla eggjatöku að ræða hér í Mýrdal og lítill
var hlutur eggjanna í daglegu fæði. Varla var um aðra eggja-
tökustaði að ræða en Reynis- og Dyrhóladranga, en í þeim verp-
ir mikið af langvíu. En það fór algerlega eftir sjó og veðri, hvort
hægt var að nýta þau hlunnindi. Fýllinn var aldrei rændur. Meira
að segja kom það fram, þegar bannað var að taka ungann, að
hann svo að segja yfirgaf í nokkur ár þá staði, þar sem egg
voru tekin. En þótt unginn væri tekinn ár eftir ár, virtist það
engin áhrif hafa.
Nú hef ég stiklað á því stærsta í þætti fuglsins í matbjörg
Mýrdælinga. Vitaskuld voru fleiri fuglar, er fólk lagði sér til
munns, cn það var óverulegt búsílag móti því, sem talið hefur
verið. Hér hafa aldrei verið stundaðar rjúpnaveiðar að neinu
ráði, því að hér er yfirleitt lítið af rjúpu sakir skorts á viðeig-
andi haglendi. Hversu snar þáttur fýlsins var í mataræði fólks
Goðasteinn
9