Goðasteinn - 01.03.1968, Qupperneq 45

að fara að sækja okkur en Jón sagði: „Ekki var að yggja lagið,“
og var gert gaman að þessari sjóferð. Einn af heimilisfólkinu í
Hrólfsskála hét Gísli, ættaður af Kjalarnesinu. Hann var í fjósinu
og hugsaði um kýrnar og hesta, sem voru á gjöf. Hann las tölu-
vert bækur og safnaði blöðunum, geymdi þau undir sænginni í
rúmi sínu. Hann kenndi mér vísu sem hann gerði um sjálfan sig.
Vísan er svona:
Einstakt nettmenni er hann Gísli,
oftast Hrólfsskála kenndur við,
þó hann misjöfnu sé í sýsli
samt er fegurð hans augnamið.
Hann er greindur og góður karl
en gefinn þó fyrir heimsins brall.
Ég var látinn fara suður eftir lokin með vagn að kaupa fisk og
grásleppu af Pétri í Hrólfsskála. Þá gefur Guðlaug húsmóðir mín
mér tvær hænur og einn hana og átti ég að gefa mömmu minni
hænsnin og gerði ég það. Það voru víst fyrstu hænsnin sem hún
cignaðist í sínum búskap.
Næstu vertíð var ég í Lindarbæ hjá Ólafi hreppstjóra og Margréti
Þórðardóttur. Næstu vertíð þar á eftir fór ég óráðinn með Einari
Gíslasyni frá Húsum suður í Garð, og réði Einar mig sem háseta
hjá Pétri Jónssyni, sem var formaður hjá Milljónafélaginu, sem
Thor Jensen var kenndur við. Þar var ég í sex vertíðir, alltaf hjá
Pétri. Líka var ég eitt sumar við barnaskólabyggingu í Garðinum
og annað í Leirunni og fór ekki heim fyrr en um haustið.
Það var á þeim árum sem ég reri í Garðinum hjá Pétri, að
byggja átti þar barnaskóla. Átti sá skóli að vera tvær kennslustof-
ur. Annan skóla átti að byggja í Leirunni, og átti hann að vera ein
kcnnslustofa, og ætlar Guðmundur Þórðarson, oddviti og kaup-
maður í Garðinum, að taka að sér verkin upp á samning. Minnir
mig, að samningurinn hafi verið tvö til þrjú þúsund krónur fyrir
báða skólana. Þá kemur Pétur formaður minn upp með það við
mig, hvort ég mundi ekki vilja komast í vinnu hjá Guðmundi yfir
sumarið og vinna við skólann. Ég skrifaði hcim og bað um leyfi
Goðasteinn
43