Goðasteinn - 01.03.1968, Qupperneq 47

Guðjón hefur góðan kjaft
að gadda kexið harða.
Verri engan veit ég raft
vera ofan jarða.
Það bar við vorið 1905, um sauðburðinn, að Sigurður Jósepsson*
bóndi í vesturbænum á Berustöðum, kom til okkar austur í bæ og
sagði okkur, að faðir sinn Jósep á Ásmundarstöðum væri mikið'
veikur og taldi, að það mundi vera lungnabólga sem að honum
gcngi. Sigurður var þar til hjálpar. Jósep dó eftir þrjá daga, að mig:
minnir. Strax og Jósep var dáinn, lagðist Sigurður í vesturbænum,
og man ég, að ég var sendur um miðja nótt út að Sandhólaferju
til þess að biðja bróður hans að fara austur að Stórólfshvoli að ná.
í lækninn, Ólaf Guðmundsson, og brá hann fljótt við. Kom hann
með lækninn, en hann gat ekki bjargað lífi Sigurðar, og var hann
líka látinn eftir þrjá daga. Voru þeir jarðaðir báðir sama daginn í
Ási. En það var ckki allt búið, því nú lagðist Jón Þórðarson,.
tengdafaðir Sigurðar í Vesturbænum, og dó eftir fáa daga. Er þá
eftir vinnumaður í vesturbænum, sem Magnús hét. Verður hann
mikið veikur og deyr næstu daga. Voru þeir báðir jarðaðir sama
dag í Kálfholtskirkjugarði. Þetta mun hafa skcð á rúmum mán-
uði og þótti mikil blóðtaka, sem eðlilegt var. Þarna í vesturbæn-
um var höggvið stórt skarð, og voru ekki eftir á heimilinu nema
börn Jóns heitins, tvær dætur og einn sonur, scm Kristján hét. Hann
fór til Rcykjavíkur 1898 og lærði þar trésmíði, mætur maður og,
góður smiður, dáinn fyrir tveim árum. Á meðan þessi veikindi
gengu yfir, var það einn maður, sem kom í vesturbæinn á hverj-
um degi, Þorsteinn Jónsson í Meiritungu, dáinn fyrir mörgum ár-
um. Hann var ætíð þar kominn, sem þurfti að hjúkra og hjálpa.
Nú var búið að láta Magnús, síðasta manninn sem dó, í kistuna,
og var þá enginn maður eftir til að vinna verkin. Það þurfti að
fara út að Stokkseyri til þess að sækja vörur fyrir heimilið, og.
tók Þorstcinn í Meiri-Tungu það að sér. Fékk hann mig með sér,.
og fórum við með þrjá vagna. Komumst við út að Stokkseyri um
kvöldið. Næsta morgun tók hann á vagnana og gekk frá þcim. Lét
Goðasteinn
4*