Goðasteinn - 01.03.1968, Page 64

Richard Beck:
Úr vísnabókinni
Vestur á sléttunni
Fangvíð sléttan fríðleik ber,
frjósemd nærir lýði,
en hjartakær mér ávallt er
ættlands fjallaprýði.
Sömu ættar
Daggarperla björt á blómi,
blik af skærum stjörnum nætur,
silfur mána og sólarljómi,
sömu eiga djúpar rætur.
Hafsýn
Voga hafið vetrargrátt
vefur brimsins feldi.
Scnn það ljómar sumarblátt,
sindrað geisla eldi.
Dögun
Guðar létt á glugga minn
geisli morgunblíður,
unaðsheim mér opnar sinn
árdagsgeimur fríður.
62
Goðasteinn