Fréttir frá Íslandi - 01.01.1879, Qupperneq 65

MENNTUN.
65
styrk af landsfje til þess að koma á búnaðarkennslu í vesturum-
dæminu, og varð þeirri ætlan framgengt. Skólinn er undir
yíirumsjón amtráðsins í vesturumdæminu, og var honum sett
reglugjörð á amtráðsfundi 2. dag júlimánaðar. Hið helzta í
þeirri reglugjörð er þetta. Kennslutíminn er tvö ár, og telst
skólaárið frá 1. júní til 31. maí; skulu piltar sækja um að
komast á skólann til amtmanns fyrir miðjan vetur næst á und-
an. Piltar verða að vera tvö árin út, eða endurborga ellaþann
styrk, er þeir fá af almennu fje. í júnímánuði skal haldið burt-
fararpróf, og eru tveir menn úr amtsráðinu prófdómendur. Af
verklegum námsgreinum skal kenna að nota plóg, hestareku og
önnur sljettunarfæri, vatnsveitiugar, mýrarþurrkun, maturtarækt,
fóðururtarækt, rjetta notkun alskyns áburðar, að gjöra grjótgirð-
ingar, sprengja grjót, vinna að heyvinnu og stjórna henni,
smíðar, lielzt aðgjörð á verkfærum, landmæling (mæla lands-
bletti og draga þá upp á pappír svo rjett sje). í bóklegum
námsgreinum fá piltar tilsögn á vetrum, og eru þær hinar
helztu þessar: reikningur, efnafræði, um blöndun lielztu jarð-
tegunda, áburðartegunda, fóður- og fæðutegunda, jarðræktar-
fræði, grasafræði, um áburð, gæði og gildi hinna helztu áburð-
artegunda, um vatnsveitingar, áhrif þeirra og skilyrðin fyrir því,
að þæ; geti orðið að notum, hagfræði í búnaði, og eru það helzt
almenn skilyrði fyrir reglubundnum landbúnaði, búnaðarstefna
eptir því hvernig ábýli er háttað, búnaðaráhöld, verknaðarfólk,
tilhögun húsaðdrátta og mataræðis, og búreikningar; sömuleiðis
skal kenna undirstöðuatriðin í uppdráttarlist. Þetta er hið
helzta í reglugjörð þessari, og má þessi fyrsti búnaðarskóli lands-
ins að miklu gagni verða, ef honum er vel sinnt. Pað þykir
vanta í bóklegu menntunina, að piltum skuli eigi sýnd rjett-
ritun í móðurmáli sínu, og sýndist það þó bæði liggja nærri,
og ekki þurfa að taka svo injög mikinn tíma frá öðru námi, þó
að það væri látið fylgja með.
Kvennaskólarnir voru liinir sömu og áður, og er
fátt tíðindabært af þeim að segja Veturinn 1879—80 voru 25
stúlkur á kvennaskólanum í Reykjavík, og tóku 15 af þeim þátt
í allri kennslu, en hinar eigi nema í sumum námsgreinum. Vet-
urinn 1880 — 81 voru í skólanum sömuleiðis 25 stúlkur, og tóku 16
Fbjettir fká íslandi 1880. 5