Fréttir frá Íslandi - 01.01.1879, Qupperneq 82

82
LÁT HFLDRA FÓLKS.
Akranes; 9. dag desembermánaðar týndist skip með 7 mönn-
um af Vatnsleysuströnd, og 16. dag sama mánaðar fórst skip
með 7 mönnum frá Hrólfsskála á Seltjarnarnesi. Þetta cru bin-
ar helztu og merkilegustu slysfarir á árinu.
Heilsufar mátti heita heldur gott, og bar eigi á
neinum stórsóttum, er gengju um landið eða neina hluta þess.
Lungnabólga og taugaveiki stungu sjer niður hingað og þangað,
en þó eigi svo að þær yrði að landfarsóttum; um haustið og
veturinn gekk allmikill andarteppuhósti á börnum, og varð hann
allmörgum þeirra að bana, er voru á fyrsta ári og um það bil,
en af öðrum stórveikindum hafa eigi farið sögur svo teljandi
sje.
Meðal merkismanna, sem dáið liafa á þessu ári, má hik-
laust telja fyrstan og fremmstan háyfirdómara, etazráð fórð
Jónassen. Hann andaðist 25. dag ágústmánaðar. Hann var
fæddur 26. dag febrúarmánaðar 1800 á Nesi í Aðalreykjadal.
Hann útskrifaðist úr Bessastaðaskóla 1820, og sigldi fáum ár-
um síðar til Kaupmannahafnarháskóla, og tók þar 1. próf 1824,
annað próf 1825, en embættispróf í lögum tók liann 1830;
eptir það var hann nokkur ár ytra og tamdi sjer stjórnarmál á
skrifstofum þar, þar til hann fjekk Eyjafjarðarsýslu 1835, en
næsta ár varð harin fyrri meðdómari við landsyíirrjettinn í
Reykjavík. Árin 1849—50 var hann settur amtmaður í
Norður- og austurumdæminu; 1856 varð hann háyfirdómari og
hjelt því embætfi til 1877, er honum var veitt lausn í náð með
fullum eptirlaunum. Hann var í stiptamtmannsstað 1860—
1865, og konungsfulltrúi á öllum þingum á meðan. Hann var
konungkjörinn á öllum öðrum þingum, og á þjóðfundinum 1851.
Hann var sæmdur riddarakrossi dannibrogsorðunnar 1856, stærra
yfirforingjakrossi sömu orðu 1865 og riddarakrossi hinnar frönsku
heiðursfylkingar 1863; hann varð og heiðursijelagi bókmennta-
Qelagsins 1851. 1863 kvæntist hann Sofíu Dórótheu Lynge,
og lifir hún hann. Hann var auðnuríkur maður, og má teljast
í röð hinna vitrustu manna á þessari öld.
I*etta ár hafa og látizt nokkrir liinir helztu af prestum
landsins. Má þar fyrstan telja Hallgrím prófast Jónsson
á Hólmum í Reyðarfirði. Hann dó 5. dag janúarmánaðar.