Árbók Hins íslenzka fornleifafélags - 01.01.1915, Blaðsíða 51

51
og þeim er krækt saman með laglegum eirkrók er töfl-
unnier lokað. — Á hvorum væng eru 2 myndir að ut-
an og aðrar 2 að innan, og á miðtöflunni eru 4 að
framan. Á efri myndunum utan á vængjunum eru
boðun Maríu og fæðing Jesú, en á þeim neðri kvöld-
máltíðin og fótaþvotturinn (Jóh. 13. k.). Innan á vinstri
væng eru eiginlega 2 myndir settar saman á neðri
helmingnum, er sýna atburði í Getsemane, Jesú á bæn
og lærisveinana sofandi, sú ytri, en handtökuna sú innri.
A efri helmingnum er húðstrýkingin. Þá koma efri
myndirnar á miðtöflunni: Þyrnikrýningin og handaþvott-
ur Pílatusar, er Jesús er leiddur út, dæmdur til kross-
festingar. Á eftir þeim verður að skoða efri myndina
á hægri væng að innan, krossburð Jesú; síðan neðri
myndirnar á miðtöflunni: krossfestinguna og greftrun-
ina, og loks neðri mynd innan á hægri væng, sem sýn-
ir upprisuna. Myndirnar eru sýnilega eftir vanan list-
málara og ekki allskostar illa gerðar; andlitin eru þó
flest fremur óviðfeldin, drættir og samsetning fremur
óeðlileg. Taflan er að líkindum frá síðari hluta 15. ald-
ar eða byrjun 16., vafalaust útlend að uppruna (þýzk
eða hollenzk).
6581. 9/a Ljósakr&na úr kopar, með hnetti neðst, þverm. 12 sm.,
og er typpi niður úr, legg upp af og eru á honum
kragar, neðst fyrir 7 ljósaliljur og efst fyrir 4 skraut-
liljur, flegnum erni þar upp af og loks hring efst, hæð
alls 51 sm. Ljósaliljurnar vantar allar, nema eina, sem
er brotin sundur; er hún með gagnskornu verki í end-
urlífgunarstíl; skálin er 9 sm. að þverm.; ljósapípan 7
sm. að hæð upp úr skálinni; ljósvíddin (þverm. í ljósa-
hringnum) hefir verið um 40 sm. Af skrautliljunum
vantar 1; þær eru og með gagnskornu verki í sama
stíl og ljósaliljurnar, 1. 8,5 sm., br. 5,5 sm. — Verkið
er fremur óvandað, frágangur slæmur, en frummyndin
og gerðin hefir verið allgóð. Ekki virðist það rent, sem
sívalt og kringlótt á að vera, heldur skafið og slípað
nokkuð, og liklega steypt eftir illa gerðum trémótum.
Virðist kunna að vera íslenzkt verk, en útlend mun þó
fyrirmyndin hafa verið og varla yngri en frá því um
1600.
6582. — Platínudúkur úr grænu rósasilki með bláu fóðri og silfur-
7*