Tímarit Hins íslenzka bókmentafélags - 01.01.1886, Qupperneq 58

68
sinni. Jafnframt því, sem tilraun var gjörð'sumarið
1884 með það bygg, sem sprottið hafði hjer á landi,
var einnig reynt til við riýtt bygg frá Noregi, sem
Schiibeler prófessor sendi og var úr nágrenni við Boð-
ey (67° 17'n.br.). Enn fremur var reynt til við bygg
og hafra frá Danmörku, og auk þess við sumarhveiti,
en það hafði Schubeler prófessor einnig sent mjer.
Jeg hafði gjört mjer sjálfur von um einhverjar mikils-
verðar athuganir með þvi að bera saman þessar ýmsu
byggtegundir frá þeim löndum, er nú hafa verið nefnd.
En því miður var öll eptirgrennslun ómöguleg, sökum
þess, að sumarið 1884 var svo óblítt. Sumarið 1885
misheppnuðust einnig tilraunir mínar til þess að rækta
korn, og er það eigi að furða, er þess er gætt, að
þetta sumar var hjer á íslandi engu betra en hitt.
Meðal þeirra korntegunda, er reynt var til við sum-
arið 1885, var önnur tegund af sumarhveiti frá Schú-
beler prófessor „Triticum vulgare, Victoria sumarhveiti
mjög snemmvaxið“; því var sáð 30. dag maímánaðar,
og það kom upp þegar 10. dag. júnímánaðar, og var
9. dag septembermánaðar orðið 36 þumlunga hátt; en
á því voru þá enn engin öx. 15. dag septembermán-
aðar spratt fyrsta axið, og dagana á eptir uxu allmörg
fögur öx, en það var auðvitað eigi við því að búast,
að þau korn, er svo seint höfðu vaxið, gætu orðið full-
þroska.
Enda þótt bygg geti eptir þessu óneitanlega mjög
vel þroskast, þegar vel lætur í ári, og þroskast svo,
að það korn, er hjer hefur yrkt verið, rnegi nota til
útsæðis næsta ár, mun byggræktun þó naumast geta
orðið að nokkru verulegu liði fyrir ísland í heild sinni,
því uppskeran mun verða allt of óáreiðanleg til þess
og kornið of kostalítið. Jafnvel þó að menn ætli, að
vjer einmitt um þessar mundir eigum við mjög óhag-
stætt loptslag að búa hjer á landi, og að tvö hin sein-