Tímarit Hins íslenzka bókmentafélags - 01.01.1886, Side 104

104
ráðstöfun var annaðhvort ekki hlýtt, eða henni var
síðar breytt; því yfir höfuð var skólatíminn látinn vera
frá Mikaelsmessu til vitjunardags Maríu á vorin. Onn-
ur leyfi en sumarleyfið voru jólaleyfi frá 23. des. til þrett
ánda, og páskaleyfi frá miðvikudeginum fyrir skírdag til
næsta miðvikudags eptir páska. Ef þess þótti þörf, mátti
veita leyfi einn rúmhelgan eða tvo hálfa rúmhelga
daga i viku. Öll önnur leyfi voru stranglega bönnuð.
Við burtfararprófin skyldi biskupinn yfirheyra þá, sem
útskrifast áttu, og þvi næst skyldu þeir prjedika hempu-
klæddir í dómkirkjunni.
Fæði skólapilta skyldi eptir reglugjörð skólans
vera þannig:
A sunnudögum. Morgunverður á undan kirkjugöngu:
fiskur og smjör. Miðdegisverður: fyrst
fiskur og smjör, og þar á eptir kjöt-
súpa eða baunir með kjöti. Kvöldverð-
ur: fyrst fiskur og smjör, og þar á
eptir grjónavatnsgrautur með mjólk
út á, eða smjöri.
A mánudögum. Miðdegisverður: fiskur og smjör, graut-
ur og mjólk, Kvöldverður: fiskur og
smjör. skyr og mjólk.
Ápnðjudögum. Miðdegisverður: fiskur og smjör, baun-
ir og kjöt. Kvöldverður: fiskur og smjör
og kaldir sundmagar.
Á midvikudög. Miðdegisverður: fiskur og smjör og
kjötsúpa. Kvöldverður: fiskur og smjör
og heitur saltfiskur.
Á fimmtudögum. Miðdegisverður: alveg eins og á þriðju-
dögum. Kvöldverður: fiskur og smjör
og slátur heitt eða kalt eptir kringum-
stæðum.
Á föstudögum. Miðdegisverður: fiskur og smjör og
mjölgrautur eða vellingur.